RSS

You are here

Ani Stara Pazova dendile natarja neve kherenge vaš 30 romane familie

Raštrako sekretari ano Ministribe vaš lačardipe, dromutnipe thaj infrastruktura, Zoran Lakičević, dendja ano tetraidj kupate e presidentoa komunako Stara Pazova Djordje Radinovićea natarja neve kherengo vaš 30 romane familie e sa 120 dženenca, ano savengo lačardipe, sar ini keripe komunalno infrastruktura, investirisalo pobuder kotar jekh milijon evrja.

 

Vov phendja kaj  khera thaj komunalno infrastruktura lačardile ano rami projektesko "Legaripe savakhtuno agorisipe vaš bešipe ano khera  thaj lačaripe fizikani infrastruktura ano romane bešipaske thana", a finansirisale kotar grant šema (IPA 2013), savesko molipe 9,2 milijojna evrja, sar ini kaj agorisipa projektesko anglunisardile čhinavdipe džividipaske vaš 45 familie, jase 300 manuša ani Stara Pazova.

 

"Sa dži akana ano rami akale projektesko lačardile jase rekonstruisale 174 bešipaske jekhutne, vaš paše 820 manuša, a maškhar olende 300 čhavore (ano Odžaci, Lebane,Ub, Svilajnac thaj Novi Pazar). Adžahar, e  realizacia akale projektesko ani umal komunalno infrastruktura ano Odžaci, Lebane, Ub, Loznica, Boljevac, Smederevo thaj Novi Pazar, lačardile čhinavdipe vaš paše 3.700 dizutne romane nacionalnipaske", phendja o Lakičević.

 

O Lakičević akhardja sarenen te lungaren te keren buti kupate soske pana but si te kerolpe vaš Romanice  thaj Roma ani Srbia vaš ano sa te oven jekha jekh averenca, jase te ovelolen šaipe te edukuinenpe thaj te astaren majučo skoluipe, te saslarenpe, te khuven pi buti thaj tana oven talo nisavi forma diskriminaciaki. Vov phendja kaj ka realizujinenpe neve projektja ani umal bešipe ano khera thaj komunalno infrastruktura savo siton ano gatisaripe, IPA 2018. ano molipe kotar 20 milijojna evrja thaj IPA 14, savesko molipe 2,7 milijojna evrja.

 

Po ulavdipe dendja akcenti po odova kaj Thagarutni Srbia sitoj vaš lačardipe pašloipe Romengo thaj Romanicengo thaj vaš odova formirisalo ulavdo Koordinaciako trupo e bukja te phanol manglipe ini raštrake instituciengo ini civilno amalipasko, sar ini romana khupatnako, pedo savesko čekat telopresidentka Thagarutnaki thaj minstarka vaš lačardipe, dromutnipe thaj infrastruktura, prof. dr Zorana Mihajlović.

 

Presidento komunako Stara Pazova, Dordje Radinović, sikhavdja čaljardipe thaj naisaripe so Evropaki unia pendžardja komuna Stara Pazova sar sigurno than vaš investicie, savi akale humano projektea ka kerol zorale relacie maškhar lokalno dizutnipe thaj dženutne nacionalno minoriteteske." Saren amen so lelam kotor ano akava projekti hačara čaljardipe kana dikha agorisipe bukjako savea uluvisale 30 familije romane nacionalnipaske", phendja o Radinović.