RSS

You are here

Hramosardilo kontrakti vaš lačharipe auto-drom Preljina-Požega thaj deonica sigutno sastrnalo drom Novi Sad – Subotica

Kontraktja vaš finansiripe duj bare projektja kotar nevo investiciako ciklusi ani infrastruktura, lačhardipe auto-drom Preljina-Požega ano Koridori 11 thaj modernizacia thaj rekonstrukcia deonicako sigutno sastrnalo drom Beograd-Budimpešta kotar Novi Sad dži Subotica hramosardile avdive ano Peking.

 

Kontraktja kotar kreditja vaš akala projektja e kinaka Eksim banka hramisarda ministri finansiako Siniša Mali, a ano hramosardipe lele kotor presidento Srbiako thaj ThR Kinako, Aleksandar Vučić thaj Si Djinping.

 

I Telopresidentka Thagarutna Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović, phendja kaj deonica Novi Sad – Subotica trito deonica sigutno sastrnalo drom Beogradi-Budimpešta ani teritoria Srbiaki, lungi 108,2 kilometarja, vaš savako lačhardipe ano nakhlo berš hramisalo komercijalno kontrakti e konzorcijumea kinake kompanie “China Communications and Construction Company” (CCCC) thaj China railway international”, ano molipe 1,16 milijarde dolarja. „Vaš akaja deonica majbare kotorea gatisirimi sitoj tehnikaki dokumentacia, a džukara poagor beršesko te lelpe buti, savi ka ovol paše duj tepaš berš“, phendja i Mihajlovićka, savi sitoj ani oficielno vizita ani Kina, sar kotor raštrako delegaciako savi legarela presidento Srbiako Aleksandar Vučić.

 

Deonica Preljina-Požega lungi 30,9 kilometarja, a molipe bukjengo, savi ka kerol kinaki kompania “China Communications and Construction Company” (CCCC) sitoj 450 miliojna evrja.

 

“Ani akaja deonica akana siton gatisaripaske bukja, raštra agorisindja eksproprijacija, gatisardja tehnikaki dokumentacia, kerenape kampja ano pašipe Lučane. Hramisaripa finansijsko kontrakti lenape čhinavdipe te kerelpe buti ano lačharipe. Leipa nilajesko ka mukhlolpe ano dromutnipe deonica kotar Obrenovac dži Preljina, lungipa 103 kilometarja, dži agor beršesko agorisina ini deonica Surčin-Obrenovac, a paralelno la lačharipe vaš lungaripe akale auto-dromesko, kotar Čačak dži Požega“, phendja i Mihajlovićka.

 

Voj pana phendja kaj akava auto-drom semno na numa vaš sigutno barjaripe rjaćutna Srbiako thaj phandipe akale agoresko e Beogradea, već ini vaš phandipe Srbiako e regionea. „Ki Požega phanenape auto-dromja Beograd-Sarajevo thaj Koridori 11 dži Crna Gora, a ko Čačak, prekal Moravako koridori, ka oven phande Koridori 11 e Koridorea 10“, phendja i Mihajlovićka.

 

Uzo duj presidentja adžahar ini hramisardilo Plani bilateralno maškaripasko maškar Thagarutni Srbia thaj Thagarutni ThR Kina ano rami iniciativavako „Kustik thaj drom“, savo, maškar sa, talohalovela podur anglunisaripe maškaripasko ani umal lačhardipe infrastrukturako, ano odova ini droma, sastrunalutnipe, aerodromja, andrune pajneske droma, intermodalno transporti thaj vastalutnipe vaš arakhipe dromutnipasko.

 

Kotar vizita ani ThR Kina, telopresidentka Thagarutna Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović, uzo idž hramisarde haljovipe vaš realizacia projektjengi ano dromesko thaj sastrnalutno dromutnipe thaj formiripe Grupako vaš investiciako maškaripe Srbia thaj ThR Kina, adžahar hramisarda ini Haljovipe kotar ekonomikano-tehnikako maškaripe maškar Thagarutni Srbiaki thaj Thagarutni ThR Kina. Haljovipe savi Mihajlovićka hramisarda ka resol kaj Thagarutni ThR Kina dela bi inaribasko ažutipe Thagarutna Republika Srbiake vaš legaripe projekatja save vakhardile maškar duj thagarutne.

 

I Telopresidentka Thagarutnaki lela kotor ini ano avdisutne bešipe e Vang Huningea, dženoa Savakhtuno komiteti Politbiro CK KP ThR Kina, dženoa sekretarijatesko Centralno komiteti ThR Kina thaj direktorea Kancelariako vaš rodipaske politike CK KP ThR Kina.

 

I Mihajlovićka avdive ka vakharol ini ano tematikano paneli „Infrastrukturno phandipe“, savo adikharelape ano rami Dujto forumi „Kustik thaj drom“ ano Peking.