RSS

You are here

I Mihajlović: Infrastruktura sito čhinadipe posig barjaripe Srbiako

Telopresidentka Thagarutna Srbiaki thaj ministarka vaš lačaripe, dromutnipe thaj infrastrukture, prof. dr Zorana Mihajlović, phendja avdive kaj infrastruktura momentalno majsemno umal ano barjaripe srbikana ekonomiako thaj phendja pana kaj ano 2019. lenape neve investiciake ciklusja ano molipe 5,5 milijarde evrja.
 
“Srbia sitoj tikni raštra savi pala peste siola but phare berša thaj dekade, hema savi vazdisali pedo prne thaj savi barjola thaj astarela badžako e lumia. Seriozno sitoj diferenca ani amari strategia anglo šovberš thaj avdive thaj ini ano odova kobor sijam ani situacia odova te realizuina. Kerdjam seriozno badžakja ano dromutni infrastruktura, ano sastrunipe, ano aerodromutnipe thaj avdive sijam seriozno partneri ano akava kotor Evropako”, phendja Mihajlovićka, savi putardja konferencia “Transporti thaj logistika Mesmerjavinutni Evropa thaj Dunavesko regioni – TIL 2019”.

Voj phendja kaj nane vaš termini Rjačutno Balkani thaj phendja kaj Srbia phuv kotar centralno
thaj javinutni Evropa, thaj kaj semno sito akava kotor Evropako pošukar maškar peste phanelape. “Vaš vazdipe konkurencia semno sito na numa lačharipe neve droma thaj rekonstrukcia sastrunale dromengo, već ini cidipe bifizikake barijere, save kerena 30 dži 40 šelestar pedo
hardžipe save ikljona ano transporti thaj logistika”, phendja Mihajlovićka.

Telopresidentka phendja kaj Srbia kerela pedo odova kaj e sa pašutne raštrenca kerela pojekh samadrentako nakhipe, ama kaj odova procesi po sig džala e raštrenca save naneton dženutne EU ze e dženutnenca ano EU. “Po odova pučipe musaj te ova ano regioni but pobut jekhutne vaš te ovel amen polače rezultatja”, phendja i Mihajlovićka.
 
Voj akhardja kompanije save siton interesuime vaš investicije ani Srbia te aven te vakharen kotar neve projektja, thaj phendja so sito semno kaj ani konferencia lena kotor kompanije save kerena jase siton potencijalno kerutne ano projektja ani Srbia, sar ini dženutne maškarthemutne finansijake institucije.
 
Biznis konferencia “Transporti thaj logistika” pedo šovto drom organizuinela kompanija “Masmedija internešenal”, uzo devipe dumo Ministribasko vaš lačharipe, dromutnipe thaj infrastruktura, a ano akava berš kedisale paše 400 dženutne, ano odova ini dženutnen kotar paše 150 kompanie.