RSS

You are here

I Mihajlovička: Aerodromi "Morava" putara vaš Vidovdani

I Telopresidentka Thagarutni Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj 28 junea Aerodromi "Morava" uzo Kraljeva ka ovol putardo vaš civilno aero dromutnipe.

 

"Aerodromi "Morava" kotar Vidovdani ka funkcionišinol sar civilno-askeriako thaj pedo odova sim but barikani, soske vaš  pozicia akava aerodromi šaj te ovol semno vaš kargo dromutnipe ano akava kotor Evropako. Direktno ano pašipe aerodromesko ka nakhol ini Moravako koridori, savo la te lačara ano akava berš, thaj kana ono odova  čhivena in i sastrnalutni, ano logistikano gndipe nane po šukhar buti ano akava kotor Srbiako", phendja i Mihajlovićka amboldipa pedo pučipe žurnalistjengo kana sine  dikhlaripe bukjengo ano Koridori 11.

 

Voj pana phendja kaj vaš perspektiva te barjakerelpe kargo dromutnipen planirinelpe bufljaripe pistako, sar ini kaj but semno, uzo Beogradi thaj Niš, ini akava kotor Srbiako siole poro aerodromi. 

 

"Aerodromi ka kerol buti ano rami odolea sar thaj kobor ka urjaven aviojna. Ano akava momenti nane pana rndome urjavipe, ama vakharlape e kompanienca save mangena te urjaven kotar "Morava", ini ano dromutno ini ano kargo dromutnipen", phendja i Mihajlovićka.