RSS

You are here

I Mihajlovićka: Agorisipa Koridori 10 sikhavdjum kobor infrastruktura semni vaš Srbia

 

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr  Zorana Mihajlović, phendja vaš kurkesko iklovipe Politika kaj sitoj barikani pe odova so agorisisalo Koridori 10 thaj palo odova bešela bari buti Ministribaski thaj olako personalno.

 

"Kаna lelum te legarav akava resori, infrastruktura butdrom sine tema vicjengi thaj paše hajgaralukoske.Vakharlape sine kaj diso anglo roki jase palo roki thaj odova sine rezultati mere poangle dženutnenge so legarena sine ministribe. Majbut so šaj sine kereva te pharuvinav odoja pilta. Mangava sine e manušenda te haloven kaj infrastruktura semni sar policija, askerija thaj sar savo aver resori, kaj sito šaj ini majsemno soske miškopinela ekonomia, phanelamen andre ani phuv thaj e lumija thaj resela amare kompanienge odote te keren buti" phendja i Mihalovićka.

 

Voj angluno drom vakhardja kotar odova so kerelape sine avri bukjakethanesta Koridori 10 thaj save sa  problemja musaj te agorisinenpe vaš paluni deonica prekal Grdelicaki klisura te ovol agorisimi.

 

"Kera sine presia pedo kerdutne te keren pi buti, sinamen bešipa olenca kotar detharin dži ki rat. Kote sine dileme, ava sine sar ministribe thaj ana sine disave pratsavja vaš o bukja te agorisinenpe. Odote sine ini javašluko...Sine ini akošipa, frdipe lilengo, prastaipe e manginutnenca kompaniengo save khonik diso na kerde. Me džanava sakova pato savo kerdilo ani Grdelicaki klisura, džanava kote angluno metari asfaltesko čhivdilo, džanava sakova metari tunelesko... Sine situacie ano save o manuša cidenape thaj na mangena sine te anen disave pratsavja, na sine olenge šukhar thaj na sine but bahtale so amen sijam ani Grdelicaki klisura thaj so olen kontrolišina. Ama, akana sim sigurno kaj odova sito numa drom kaj disave šeja šaj te agorisinenpe", phendja i Mihajlovićka.

 

Voj phendja kaj but džene gndinena kaj ministribe ano bare infrastrukturake bukja bešela ki rig, ama odova nane adžahar. 

 

" Dena sine kritike so džava ano bukjakothanipe, so sine sovava ani Grdelica, so sine sikhavava pedo mukhlipe bukjako. Dena sine komentarja akharava mi parno ja pembe šlemi, sito mi vov ano rndo  e garderoba ja na. Sine sona. Ama tana sine kerav adžahar, sigurno sim kaj auto-drom prekal Grdelicaki klisura na agorisina adžahar so planirindjam, kaj anglo turistikaki sezona ovla mukhlo vaš dromutnipe. Kerava sine hajgara thaj phenava: "Ake šaj ini ano lakirime minijora  o drom te putarav". Ama but kundre amen hardžindjam vaš te ovol adžahar", phendja i Mihajlovićka thaj pana lepardja kaj "olake bučarne ini bukvalno dživdinena sine ani Grdelicaki klisura soske odova sine numa čhane te džanen so keralape sar ano sakova momenti te reaguinen".

 

I Telopresidentka phendja pana kaj pana nane šužo logari kobor sa sito auto-drom prekal Grdelicaki klisura, phenela kaj projektno  sine 240 milijojna evrja, ama adžukharela kaj paluno logari ka ovol pobuder kotar 350 milijojna evrja. 

 

" Ka kera finansijsko thaj tehnikaki analiza mesemrrigako phak Koridori 10 vaš te zorakhara save sine projektja thaj sar lačardilo. Koridori 10 manglape te ovol škola, po ulavdipe akava mesemrrigaki phak, te dikholpe sar disave projektja našena kana adžahar lungo vakhti kerenape thaj disave šeja veke tana palem kera. Nane leipe lačaripasko dži na agorisinelape kompletno dokumentacia thaj na agorisinelape ekspropriacia. Našala vakhti thaj lovo ano anglo projektiripe. Si projektno agorisipe ano disave kotora kosinake save na džana soske adžahar kerdile. Odova na phenava me, odova phenela džandipe bukjako. Ano fundipe, odova andža dži našalipe vakhtesko thaj barjaripe hardžipasko" phendja i Mihajlovićka. 

 

Vakheripa kotar neve projektja, Mihajlovićka phendja kaj kotar odova vakheripe kerela e amerikake kompania "Behtel", a kotar finansiripe e amerikake thaj britaniake bankenca. Molipe akale auto-dromesko sito 800 milijojna evrja thaj nane čačikane informacie kaj molipe šaj te ovol po tele. 

 

 "Sine ini ministarja save sine iklona thaj vakharena sa thaj saso, jekh olenda phendja kaj ka agorisina vaš jekh berš thaj molipe ka ovol 500, 600, 700 milijojna, ka dikha kobor. Khonik na verifikuindja odova molipe, ni Kinezja ni Amerikancja. Ano odova vakhti von numa vakharena sine kotar auto-drom. Amen palo odova, sa so dživdisardjam 2014 berš, vaš bare pajna pharuvindjam kanunja thaj musaj te kera ini uluvipe kotar bare pajna. Ama odote džala ini politikani paramisi - da e Amerikancjenge te lačaren, a on amen bombarduinde. Ani Srbia lačarena Rusja, Azerbedžancja, Kinezja. Odote siton ini EIB, EBRD, Lumijaki banka. Infrastruktura nane numa infrastruktura, voj sitoj ini politika. "Behtel" sitoj jekh kotar majšukhar lumijake kompanie. Von siolen aver čhane bukjako thaj šukhar sito kaj on siton thaj šukhar kaj manuša akate siklona. So pobut lačara maškharthemtune koridorja e majbare lumijake kompanienca, amen sijam politikane stabilno thaj ano sasavo avutno politikano problemi averčhane ka dikholpe pedo amende", phendja i Mihajlovićka.