RSS

You are here

I Mihajlovićka ano kedipe NALED-esko: Kupatne dži ko efikasno administracia thaj po šukhar čhinavdipe bizniseske

I Telopresidentka Thagarutni Srbiaki thaj ministarka vaš lačaripe,dromutnipe thaj infrastrukutra, prof. dr Zorana Mihajlović, phendja avdive kaj dijalogi raštrako thaj ekonomiako čačikano drom vaš anglunisaripe čhinavdipe biznisesko thaj kaj kupatno reso efikasno raštraki administracia, sar ini administracia ano lokalno korkorodirekcie.

 

"Reforma urbanistikane mukhlipaske lila thaj čhivipe elektronikano urbanikane mukhlipaske lila sigurno misal suksesno reforma.Ni disave džene Thagarutnake na pačavinde kana andžam Kanunipe vaš planiripe thaj lačaripe kaj mukhlipaske lila ka denpe vaš 28 dive, thaj vaš odova odoja  reforma semni vaš pharuvipe gndipasko. Rezultati odole reformjengo siton ini neve investicie thaj tikanripe bibučaripasko", phendja Mihajlovićka ano XIII beršesko kedipe NALED "Drom suksesno reformjengo". 

 

Voj phendja kaj drom reformjengo butvar dukhavdo thaj nane čučavno te legare olen, soske manglape konsenzusi raštrako, ekonomiako, civilno sektoresko. "Ama, kana amen vakhardilam, soske saren sijam partnerja ano legaripe reformjengo, palem amen reslam amaro reso. Te sine kaj si jekh klidutno svato savo šaj sa te mothavol kotar suksesno reforma palem odova sito-kupate" phendja voj.

 

I Mihajlovićka phendja kaj bari buti kerdili ini ani reforma katastareski, thaj ini ano inspekciake servisja, kote, sar phendja, manglape pobut manuša. Ano periodi savo avela, sar phendja, manglape kompletno te agorisinolpe eletronikano katastri, čhivipe e-direkcia ano thanutne plajna, sar ini te sigarenpe reforme save siton semne vaš rejting Srbiako ano Doing business lista.

 

"Semno sito kaj raštra savakht sila "kan" vaš odova so vakharela ekonomia, a pana si but buti anglo amende te sine kaj manga efikasno raštraki direkcia thaj efikasno administracia ano lokalno korkorodirekcie. Raštra kerela sa so šaj te anglunisarolpe čhinavdipe biznisesko, ama pačava kaj ini ano lokalno korkorodirekcie, kote but diso "khuvela", šaj te kerolpe pano but vaš o biznisi ani Srbia te ovol po lokhe", phendja i MIhajlovićka, thaj pana phendja kaj dikhlarelape kupate e NALED-eja ini čhivipe ulavdo Doing business lista vaš lokalno korkorodirekcie.

 

I Telopresidentka Thagarutnaki bahtakerdja NALED-eske pedo 13 berš semno thaj seriozno buti thaj naisardja e timeske ani akaja organizacia vaš šukhar maškharipe. " Sakoja todinimi reforma thaj sa so resa ani Doing business lista sito rezultati kupatno bukjako" phendja voj.