RSS

You are here

I Mihajlovićka ano Samiti 16+1 ano Dubrovniko hramisarda halovipe vaš projektja Novi Beogradi -Surčin thaj Požega -Boljare

I Telopresidentka Thagarutnaki thaj ministarka vaš lačaripe, dromutnipe thaj infrastruktura, prof.dr Zorana Mihajlović, hramisarda avdive ano Samiti ThR Kina thaj 16 phuvja Centralno thaj Javinutni Evropa ano Dubrovniko duj memorandumja vaš lungaripe lačaripasko auto-dromesko ano Koridori 11, ini odova vaš projektja Novi Beograd- Surčin thaj Požega - Boljare.

 

I Mihajlovićka phendja kaj hramisardile memorandumja semne soske kerena šaipe  vaš te agorisinolpe sa o Koridori 11. 

 

"Angluno kotar duj memorandumja save hramisardam ano Dubrovniko sito vaš deonica savi ini finansijsko ini lačarimasko majrodutno ano sa Koridori 11 prekal Srbia, projekti auto-drom Požega-Boljare, dži pi crnogoraki samatrenda. Dujto memorandumi, vaš deonica Novi Beogradi-Surčin, sito semno soske manglape te resol pherdo funkcionišipe Koridoresko 11. Adžukharava  masek dive  te ovelamen komercialno kontrakti, te kerolpe pedi dokumentacia thaj ano berš savo avela te lelpe buti", phendja Mihajlovićka. 

 

Voj lepardja kaj ano akava berš mukhelape ano dromutnipe 103 kilometarja auto - drom kotar Obrenovci dži Preljina, kaj lelpe bučaripe ani deonica Preljina-Požega, a kaj dži po agor beršesko agorisinenape bučaripe ani deonica Surčin - Obrenovac, savo sito jekh kotar majatraktivno thaj majšukhar lačarimatne ani Srbia.

 

Vakharipa kotar relacie Srbia thaj ThR Kina, telopresidentka Thagarutnaki phendja kaj e Srbia  misal sa funkcionišinela mehanizmi maškharipasko ThR Kinako thaj phuvjengo Centralno thaj Javinutni Evropa, 16+1."Amen na vakhara numa kotar šukhar amalikane thaj politikane relacie Srbia thaj ThR Kina, već ini kotar but laće ekonomikane relacie, kotar baravalo maškharipe ani umal infrastruktura, ama ini kotar sa po šukhar relacie ani umal ekonomia thaj turizmi. Dubrovnik  sito pana jekh šansa odova te sikhava, a forumi savo ka adikharolpe ano Peking pana po šukhar šansa, soske odote ka ovol hramisarimo finansijsko kontrakti vaš projektja save ka la te  realizuina. Svato sito kotar lačaripe auto-drom Preljina-Požega, ano molipe 450 milijojna evrja, sar ini lačaripe deonicako sigutne sastrunalutne droma kotar Novi Sad dži Subotica, savo sito molutno paše jekh milijarda evrja", phendja telopresidentka Thagarutnaki.

 

I Mihajlovićka e telopresidentea kompaniako " Čajna komjunikejšens end konstrakšen kompani" (SSSS) Ven Gangea hramisarda  Memorandumi kotar halovipe ando projekti auto - drom E-763, deonica Novi Beograd - Surćin, a Memorandumi vaš halovipe ando projekti auto-drom Beograd- Južni Jadran, E-763, deonica Požega - Boljare, e presidentoa kompaniako "Čajna roun end bridž korporejšen" (CRBC), Lu Šanoea.

 

Ando hramisaripe memorandumjeno lela kotor ini presidentka Thagarutna Srbiaki Ana Brnabić.

 

Anglo hramosaripe, delegacia Thagarutni Srbiaki ano margine Samitesko 16+1 sinola bešipe e delegacienca disave kinake kompanie ini odova e "Huavejea","Paur Čajna" thaj kompanienca   " Čajna komjunikejšens end konstrakšen kompani" thaj  "Čajna roun end bridž korporejšen"