RSS

You are here

I Mihajlovićka: Ano Zemuni lačara nevo centari vaš srbikani sastrnalutni

I Telopresidentka Thagarutna Srbiaki thaj ministarka vaš lačardipe,dromutnipe thaj infrastruktura, prof. dr Zorana Mihajlović, lela kotor avdive na starti bukjako pedo lačardipe thaj modernizacia Tehnikako-dromutni stanica Zemun, thaj vaš odova phendja kaj akava sito but semno projekti vaš sastrnalutni Srbijaki soske nevi stanica ka resol po sig, pošukhar thaj efikasno adikharipe pampurjengo.

 

I Mihajlovićka phendja  kaj dži anglo 4,5 berš kotar sastrnalutni vakharelape sine nostalgia , a avdive voj sitoj strategiako semni vaš Srbia.

 

"Dži agor 2020. berš ka kera rekonstrukcia 800 km pruge, lačara sigutni pruga Beograd-Budimpešta, investrindjam dži akana 200 milijojna evrja ano neve pampurja thaj pana 100 milijojna ka ovol investirimo. Amaro reso sito o dizutne te mangen te khuven ano neve pampurja thaj te labaren sastrnalutni", phendja voj.

 

I Mihajlovićka naisardja e komunake Zemun, soske bi lokalno korkorodirekcie adžahar projektja našti te realizuinenpe, a direktorjen sastrnalutne firmenge akhardja te oven po efikasno.

 

"Raštra dela love, milijarde evrja investirinenape ano sastrnalutno dromutnipe, investirina ano manuša thaj vastušeja, ama jekha jekh manga sakoja sastrnalutni stanica te ovol jekha jekh moderno sar ini pampurja save pedo olende džana. Pana but buti si anglo amende, ama pilta sastrnalutnaki avdive but pošukhar ze anglo disave berša", dendja voj klidutnipe.

 

O Jugoslav Jović, direktori "Srbija voz",phendja kaj akava projekti realizuinelape naisaripe ažutipe thaj iniciativa resorno ministribe, thaj uzo devipedumo Thagarutni Srbiaki reslilo krediti kotar EBRD ano molipe 52 milijojna evrja.

 "Nais telopresidentkake thaj sa timeske soske pendjarde manglipe sastrnalutne sektoresko. Projekti savea avdive startuina siole molipe 52 milijojna evrja, a roki vaš agorisipe bukjengo 27 maseka", phendja o Jović.

 

O Dejan Matić, presidento komunako Zemun, phendja kaj jekhutni politika Thagarutna Srbiaki, diz Beogradeski thaj dizjake komunengo anela rezultatja thaj kaj akale projektea  Zemun ka ovol hramisardo ani karta dromutnikani infrastruktura raštraki.

 

"Uzo odova, ano Zemuni lačara ini porti vaš maškharthemutne berja, a ano berš savo avela, sar ini dendjam svato, dizutne Batajnicake ka len dromutnikano kombo thaj phandipe pedo dromesko trujalutnipe trujal Beogradi", phendja o Matić.

 

O Stojal Čolakov, anglo "Elektroprojekti", kerdutno bukjengo, phendja kaj reso akale projektesko sito te barjarolpe kapacitetja vaš kvalitetno thaj adekvatno adikharipe pampurjengo, thaj pana phendja kaj bukja ka kerenpe ano roki.