RSS

You are here

I Mihajlovićka dikhlardja agorisutne bukja ano Koridori 11: Sa gata vaš mukhlipe ano dromutnipe ano purano kurko

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive trasa Koridori 11 kotar Obrenovaci dži Ljig sar te ovol pačavimi kaj sa sito gata vaš mukhlipe akaja trasa  ano dromutnipe ano purano kurko.

 

 Voj vaš odova malavdisali e dženutnenca kerdutne bukjengo pedi akaja trasa, savenca vakhardja kotar dinamika agorisipe bukjengo.

 

Mihajlovićka lepardja sarenenge save lena kotor ano lačardipe akale auto-dromesko kobor vaš Srbia semno agorisipe thaj mukhlipe ano dromutnipe trasa Obrenovac-Čačak.

 

"Nane khonik po lače kotar odova te lačarenpe droma. Avdive sim akate te dikhlarav dži kote avilo e kerdutne bukjengo thaj te ovav pačavimi kaj sa sito gata vaš mukhlipe auto-dromesko ano dromutnipe ano purano kurko. Ministribe sito akate, sar dži akana, te dol tumenge dumo". phendja voj.

 

Džang Ćijančao, generalno direktori "China Shandong"ranik vaš Srbia, raportirindja e telopresidentkake kotar dinamika bukjengi.

 

"Sar so šaj te dikhlen nakhiba trasa, sa bukja siton ano agorisibaski faza. Kera pedo čhivipe bar, audio stena thaj horizontalno signalizacia. Paralelno kerelape ano čhinipe čarjako thaj šužaripe trasako. Pačavutni telopresidentko, dava Tumenge pač kaj ka ovol sa gata vaš dromutnipe ini anglo purano kurko", phendja Ćijančao.

 

Trasa Obrenovac-Preljina lungi 103 km thaj ka ovol lošalipa mukhli ano dromutnipe, ano savo ka lol kotor ini presidento Republikako Aleksandar Vučić, ano purano kurko 18. avgustea.