RSS

You are here

I Mihajlovićka dikhlardja butipe ano auto-drom Batrovci-Kuzmin:Na sijum čaljardi, musaj po sig te kerolpe buti

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, dikhlardja avdive kupate e direktorea "Putevi Srbije" Zoran Drobnjakoa kampi lačarimaska firmako"Integral" thaj e direktorea ranikako akala kompaniako vaš Srbia Mitar Vukovićea thaj direktorea projektesko Mile Džatićea vakhardja kotar dinamika bukjaki pi rehabilitacia deonica auto-dromeski kotar Batrovci dži Kuzmin.

 

"Akaja sitoj but semni deonica vaš amenge, but adžukhardilo te lelpe rekonstrukcia akava kotor auto-dromesko.  Avdive vakhardjum e dženenca so kerena buti thaj e investitorea kotar dinamika bukjengi, soske na sijum čaljardi sigipa, musaj po sig te kerolpe buti. Adžukharelamen nilajeski sezona, sa pobut automobilja nakhena prekal Srbia thaj avdive vakhardjam ini kotar čhandipe pedo savo "Putevi Srbije" ka regulišinen pokhibe dromesko thaj gužve save amen adžukharena", phendja i Mihajlovićka.

 

Voj pana phendja kaj dži 1. juli ka ovol agorisimo pondž kilometarja kotar samatrendako nakhavipe ko andrunipe, sar ini kaj lela pakjavipe kotar kerdutne kaj buti ka ovol agorisimi ano roki, dži 15. novembari. 

 

O Zoran Drobnjak phendja kaj o bukja kerenape ano solduj riga auto-dromeske thaj momentalno kerelape ano pondž kilometarja.

 

O Mitar Vuković phendja kaj kompania "Integral" kerela sa kaj bukja ovena agorisime dži 15. novembari, sar ini anglodikhlardilo kontraktea.

 

Direktori projektesko o Mile Džatić phendja kaj kompania barjakardja kapacitetja angažuime manušengo thaj mehanizaciako, thaj kaj bukja kerenape bi ačhavipa, kotar 5 dži 21 sati.

 

Molipe bukjengo ani deonica Batrovci-Kuzmin lungi 21,6 km sito 16,5 milijojna evrja.