RSS

You are here

I Mihajlovićka: Drom Smederevaki Palanka- Velika Plana ka ovol rekonstruišimo dži novembari

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja bukja pi rekonstrukcia raštrako drom Velika Plana-Smederevaki Palanka thaj phendja kaj raštra investirinela ano droma ano sa kotora Srbiake soske reso sito kaj sakova regioni thaj komuna ani Srbia te barjarol.

 

"Kobor raštra investirinela ano droma thaj sastrnalutni adžahar sig ini barjola, thaj odoleske investirina ano auto-dromja, ano raštrake, sar ini ano lokalno dromja. Fundoni buti vaš sakoja komuna sitoj te kera šartja vaš normalno dživdipe, a odova sito te ovol lačho drom, energetikani thaj komunalno infrastruktura, kaj šaj te aven investicie thaj manuša te ačhon odote te dživdinen", phendja i Mihajlovićka.

 

Voj phendja kaj akava drom sito semno vaš relacia e Koridorea 10 thaj bukja musaj te oven agorisime dži novembari.

 

Voj pana phendja kaj ano Podunavesko regioni investirinolpe paše 1,4 milijarde dinarja vaš adikharipe dromjengo thaj paše duj milijarde ano rehabilitacia kupate e Lumiaka banka."Semno sito te lačarenpe droma, ama semno sito ini saren te pačavinen regule thaj te traden arakhipa", phendja voj.

 

Počekatuno Podunavesko regioni Nebojša Pavlović phendja kaj kerdilo trituno bukja ani rekonstrukcia thaj akava ka ovol jekh kotar majarakhutne droma ano regioni."Akava drom sito ini dovada kaj dendo svato ini pherelape", phendja vov.

 

Presidento komunako Smederevaki Palanka Nikola Vučen naisardja e presidentoske Srbiako thaj Thagarutnake so kerena sa kaj akaja komuna so po sig barjola thaj pana phendja kaj  kerdilo sa so vakhardilo kana ani vizita sine presidento Srbiako thaj telopresidentka Thagarutnaki ano Podunavesko regioni.

 

Presidento komunako Velika Plana Igor Matković phendja kaj angluno drom dizutne akale kotoresko Srbiako siolen hačaripe kaj siolen kaste te roden thaj kaj si ko kerela bajo olenge.

 

Generalno direktori JP "Putevi Srbije", Zoran Drobnjak, phendja kaj rekonstrukcia akale dromeski nane kerdili 30 berš thaj kaj akana ka ovol agorisimi naisaripe devipedumo kotar presidento Srbiako thaj Thagarutna Srbiako.

Molipe bukjengo pi rekonstrukcia trasako Velika Plana-Smederevaki Palanka sitoj 447 milijojna dinarja e PDV-ea, a kerdutno bukjengo sitoj firma"Srbija autoput".