RSS

You are here

I Mihajlovićka: Dža ano lačardipe nevo auto-dromesko savo ka phanol 500.000 manušen

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj Srbia džala ano lačardipe nevo auto-drom, Moravako koridori, savo ka phandol amari phuv andral thaj 500.000 manušen save dživdinena ani centralno Srbia maškhar Pojate thaj Preljina.

 

"Srbia džala ano lačardipe nevo auto-drom savo ka phanol sa bare dizja centralno Srbiake maškhar Pojate thaj Čačak - Kruševaci, Kraljevo, Trstenik, Vrnjačka Banja, Čačak. Akhara ole Moravako koridori, ama odova sito srbikano koridori, savo ka phanol Srbia andral", phendja i Mihajlovićka, palem so Thagarutni Srbiaki ano avdisutno bešipe lela Pratsav kotar alosaripe strategiako partneri ano reso realizacia projekti lačardipe infrastrukturno koridori auto-drom E-761, trasa Pojate-Preljina ("Moravako koridori").

 

"Barikani sim po odova so la te lačara pana jekh auto-drom, soske odova sito semno vaš neve investicie, vaš neve bukjake thana, ama ini strategiake, vaš avutnipe, kaj amare manuša te ovelolen  pošukhar standardi thaj amare čhavore te ačhon ani Srbia", phendja i Mihajlovićka.

 

Voj phendja kaj Moravako koridori semno vaš sa Srbia, ama po ulavdipe semno vaš pobuder kotar kvašo milijojni manuša save dživdinena ani centralno Srbia, uzo akava koridori savo ka phanol Čačak thaj Pojate.

 

"Agorisindjam Koridori 10 thaj phanglam Srbia auto-dromea kotar šudririg dži mesmerrig, agorisina javinutni khak ki Bugaria thaj mukhlam ano dromutnipe auto-drom"Miloš Veliki". Nane polačho hačaripe ze kana džana neve auto-dromea thaj dikhena sa so kerdilo thaj adžahar ka ovol ini vaš duj tekvaš berš, kana lačara ini Moravako koridori", phenela i Mihajlovićka.