RSS

You are here

I Мihajlovićka dženutnenge ano arakhipasko servisi: Tumen so sikhlarena thaj arakhena Srbia, akana sito rndo e Srbia tumen te dikhlarol!

"Avdive ano Novi Sad la te lačara apartmajna vaš askerjenge, policajacjnege thaj arakhadutnenge, vaš tumenge so kerena bajo kotar Srbia thaj uluvinena amari phuv, akana sito rndo e Srbia tumen te dikhlarol. Akava nane numa nevo kher vaš tumenge thaj tumare familienge, akava sito amaro čhandipe te phena tumenge nais vaš sa so kerdjen thaj so kerena vaš amare dizutne thaj vaš amari Srbia", phendja i telopresidentka Thagarutni Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, sebepi čhivipe bar-fundosko vaš apartmajna e dženutnenge ano servisi arakhipasko ano Novi Sad.

 

I Mihajlovićka phendja kaj sitoj ulavde barikani, sar resoreski ministarka, so akala khera lačarena kherutne lačardimaske kompanie thaj so ka labarinen kherdutno matrijali thaj produktja.

 

"Odova sito semno vaš amari lačardimaski industria thaj ekonomia. A poulavde sim barikani so akala soliterja lačara kupate, keripa buti jekh jekheske, astara suksesi thaj zorakhara Srbia", phendja voj.

 

I Ana Brnabić, presidentka Thagarutna Srbiaki, naisardja dženutnenge ano servisi arakhipasko so čhivena po dživdipe ano riziko uluvinipa dživdipe dizutnengo thaj pana phendja kaj uzo Niš, Vranje, Kraljevo thaj Kragujevaci, Novi Sad ponšto diz ano savo lelape lačardipe akale soliterjengo.

 

"Akava projekati vakharela ini kotar odova kobor čhiva akcenati pi lačardimaski industria thaj nais kherdutne kompanienge so ka lačaren akala khera. Naisaripa reformjenge save legara kotar 2014. berš sijamen love te investirina ano adžahar projektja. Amari politika sitoj politika keripaski, a na svatjengi", phendja voj.

 

O Nebojša Stefanović, telopresidento Thagarutnako thaj ministri vaš andrune bukjenge, phendja kaj naisaripe iniciativako kotar presidento Vučić kerdilo projekati vaš te resenpe khera pedo šukharipaske molipe vaš odola save rizikuinena pere dživdipa uluvinipa Srbia.

 

"Lelam tumenge neve uniforme, neve tradja, barjakardjam masekesko pokhipe thaj akana resa tumenge te kinen khera podo šukhar molipe. Nais vaš sa so kerdjen thaj sa so ka keren vaš tumari phuv", phendja o Stefanović.

O Igor Mirović, presidento Krainako thagarutnako, phendja kaj ano Novi Sad lačarenape 542 apartmajna vaš dženutnenge arakhipasko servisi, thaj lošalo sito so sig ka lenpe lačardipe adžahar apartmajna ini ani Sremeski Mitrovica.

 

"Odova sito but semno vaš barjaripe lačardimaski industria, ama ini kompletno ekonomikano barjaripe phuvjako", phendj vov.

 

O Miloš Vučević, dizakopočekatuno Novi Sadesko, phendja kaj ano akaja diz ka iklol jekh moderno bešipaskothan e kvalitetno apartmajnenca thaj čhinavdipenca šukhar vaš dživdipe.

 

"Ano bešipaskothan ka lačara ini hurdelin, nevi fundoni škola thaj atletsko centri. Čaljardipe amenge so sar diz sijam ani šansa te ova partnerja amara phuvjake ano adžahar semno projekti", phendja vov.