RSS

You are here

I Mihajlovićka: Dži ko purano kurko ka lenpe gatisaripaske bukja pedo auto-drom Sremeski Rača-Kuzmin

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive gatisaripasko bešipe e firma "Taš japi" kotar leipe gatisaripaske bukja ano lačardipe auto-dromesko Sremeski Rača-Kuzmin, savo manglape te nakhen dži po agor akava kurko.

 

"Taš japi dži po agor kurkesko ka lol majangle gatisaripaske bukja, a palem ini bukja, po kotor auto-dromesko Sremeski Rača-Kuzmin, vaš savo lela urbanistikano mukhlipasko lil", phendja i Mihajlovićka.

 

Voj phendja kaj kotar hramisaripe komercialno kontrakti e "Taš japija" ano decembari 2018. kupatne kerdilo bari buti pedo gatisaripe vaš lačardipe angluni trasa auto-dromeski Beogard-Sarajevo.

 

"Akava projekti sito čačikano simboli ini šukhar bilateralno relacie duje phuvjengo thaj amalikane relacie presidentjengo Srbiako thaj Turkiako. Adžukhara ano oktobri duje presidentjen, Aleksandar Vučić thaj Redžep Tajip Erdogan, kupate te dikhlaren akava lačardimasko thanipe", phendja i Mihajlovićka.

 

Trasa Sremeski Rača-Kuzmin lungi sitoj paše 18 kilometarja, a molipe bukjengo sito paše 220 milijojna evrja.

 

I Telopresidentka Thagarutnaki pana phnedja kaj prekal hramisardo komercialno kontrakti "Taš japi" kerela ini projektno-tehnikaki dokumentacia vaš dujto trasa auto-dromeski Beograd-Sarajevo, kotar Požega dži Kotorman, ano lungipe kotar 63 km, a molipe lačardipasko sito paše 800 milijojna evrja. "E Tašjapijea" sig la ini rekonstrukcia dromeski Novi Pazar-Tutin thaj adikhara kaj ini odova ano anglojevend ka lolpe", phendja i telopresidentka Thagarutnaki.

 

Šerutno kordinatori projektesko Jusuf Pehlivan phendja kaj sa si gata vaš te lenpe bukja, kaj lačardilo kampi savo ka bufljarolpe ano pondž hektarja thaj šaj te lol paše 1.000 manušen"."Akava auto-drom ka ovol semno konekcia maškhar Srbia thaj Bosna thaj Hercegovina thaj ka kera sa sar kerdutne akava projekati labdardo realizuina", phendja vov.

 

Zoran Drobnjak, k.b. generalno direktori JP "Putevi Srbije", savo sito investitori ano akava projekti, phendja kaj ano avutno auto-drom ka ovol štar tradimaske trake, buflipa 3,75 metarja, e duj ačhavutne trake. Vov phendja kaj kerdutnen adžukharla godaripaski buti, ama pačavinela kaj šaj te labdardo agorisinen thaj ano kontraktesko roki.