RSS

You are here

I Mihajlovićka: Dži po agor septembaresko nakhela lačardipe duj neve auto-dromja

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja vaš RTS kaj avdive thaj tahara lenape gatisaripaske bukja pe lačardipe auto-dromesko Sremeski Rača-Kuzmin, a dži po agor septembaresko ini lačardipe Moravako koridori, savo sito semno vaš phandipe 500.000 manuša ani centralno Srbia thaj sa pobare thana maškhar Pojate thaj Čačak, ano odova ini Kruševci,Kraljevo, Trstenik thaj Ćićevac.

 

I Telopresidentka Thagarutnaki phendja kaj vaš lačardipe Moravako koridori Thagarutni Srbiaki alosardja strategiake partnere, konzorciumi "Behtel-Enka" save ano 15 dive save avena trubul te ovol klidutno komercialno kontrakti, sar dži po agor septembaresko lenape bukja.

 

"Strategiako partneri lela obligacia kaj auto-drom ka lačarol vaš duj tekvaš berša, sar ini kaj ka labardol kherutne vastušeja thaj servisja, so semninel kaj kherutne firme ka len kotor ano projekti thaj kaj šaj but diso te siklon, soske akava sito angluno drom te keren trin projektja ano jekh. Uzo auto-drom, ka kerolpe ini regulacia lejnaki Zapadna Morava thaj  lejnorja so khuvena ando olate thaj telekomunikaciaki infrastruktura, so talohalovela ini čhivipe optikake kablja, pošukhar vastalutnipe dromutnipa, sar ini kaj tradutne ka ovelolen sa manglutne informacie kana khuvena ano akava auto-drom", mothavdja i Mihajlovićka.

 

"Anglo 2013. thaj 2014. berš na sine šaipe te gndinolpe kotar neve auto-dromja, vakhardilo numa kotar agorisipe odolesko so lačarolpe dekadenca. Amen mukhlam ano dromutnipe auto-drom "Miloš Veliki" thaj mesmer khak Koridori 10 thaj agorisina ini javinutno khak ki Bugaria, thaj akana la te lačara neve auto-dromja", phendja i Mihajlovićka.

 

Telopresidentka Thagarutnaki phendja kaj lačardipe auto-dromesko Sremeski Rača-Kuzmin, savo sito kotor auto-dromesko Beograd-Sarajevo, ka lelpe ani purt prekal Sava, sar majrodutno objekti ani trasa."Ano projekti ka keren srbikane thaj turkikane kompanie, a lačardipe ka ovol paše duj tekvaš berša.Paralelno ka kerolpe ini tehnikaki dokumentacia vaš dujto trasa "angrustik auto-drom" kotar Požega dži Kotorman, ano lungaripe 63 kilometarja", phendja i Mihajlovićka.

 

Voj phendja kaj ano berš savo avela auto-dromja prekal Srbia, Koridori 10 thaj auto-drom "Miloš Veliki" ka oven lačarde e sa funkcionalno manglipa, ano odova ini thanutnipe vaš bešipe, hotelja, restorajna, sar ini kaj ka dolpe pobari pačiv vaš religiake turizmeske, sar vaš po šukhar sikhavelape sa odova so si e Srbia te dol.

 

Adžahar phendja kaj problemi gužvako ano Obrenovaci, vaš khuvipe ano nevo auto-drom "Miloš Veliki", ka ovol agorisimo ano decembari ano akava berš, kana mukhelape ano dromutnipe trasa Surčin-Obrenovac, lungipa 17,6 km."Gužve šaj sine te cidenpe numa tana ovel amen auto-drom, ama amen adikhardjam kaj po šukhar kaj sa so lačardilo ini mukhelape ano dromutnipe, soske odova semninela efikasno thaj po sig konekcia thaj pobaro arakhipe ano dromutnipe", phendja i Mihajlovićka.