RSS

You are here

I Mihajlovićka e ambasadorea Germaniako: Infrastruktura klidi podur barjaripe Srbiako

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof.dr Zorana Mihajlović, malavdisali avdive e ambasadorea FR Germania ani Srbia Tomas Šibea, savea vakhardja kotar lungaripe maškharipasko duj phuvjengo, e ulavde dikhipa pedo barjaripe komunalno infrastruktura, ama ini kotar neve investiciake ciklusja save Srbia lela ano akava berš.

 

I Mihajlovićka phendja kaj Thagarutni Srbia intezivno kerela pedo anglunisaripe biznisesko maškharipe thaj keripe šartja vaš neve investicie, thaj ano akava berš te agorisinenpe disave bare projekatja thaj te lenpe neve. 

 

„Srbia avdive sila stabilno budžeti thaj publikake finansije, so sito angločhinavdipe vaš podur barjaripe. Odova idž verifikuindja ini Lumiaki banka, soske kaj anglodikhlaripe sito kaj amari phuv, te sine kaj lungarela e reformenca save legarela, ka resol baripe BDP-esko kotar efta šelestar, bare infrastrukturake projektja ano molipe kotar pondž milijarde evrja", phendja i Mihajlovićka.

 

Ambasadori Tomas Šib phendja kaj Ministribe pedo savo čekat i Mihajlovićka sito jekh kotar majiportantno partneri e Germaniako, thaj naisardja šukhar maškharipe, po ulavdipe  ano umal komunalno infrastruktura, anipe pajnesko thaj lačaripe sistemi melalo pajnesko ano but komune ani Srbia.  

 

„Sinema šansa te šunav Tumare mothovdipe kotar tema strategia barjaripe Srbiako, sim tuva kaj infrastruktura klidutni ano odova procesi, soske sar tranzitno phuv e šukhar geografiake pašloipa, manglape odova ini te istemalkeren. Infrastruktura thaj regionalno maškharipe siton kotar baro semnipe thaj Germania sitoj akate te dol tumenge dumo", phendja o Šib.