RSS

You are here

I Mihajlovićka e ambasadorka australiaka thagarutnaki vaš džuvljenge thaj čhavorenge: Srbia thaj Australia šaj jekh jekhesta te siklon

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e ambasadorka vaš džuvljenge thaj čhavorenge ani Thagarutni Australiaki, dr Šerman Stoun, sava vakhardja kotar pašloipe džuvljengo thaj napja vaš anglunisaripe njamesko jekh jekhipe. Ano bešipe ano savo sine svato kotar mereba opipe pedozoralipe po džuvlja, ama ini kotar čhandipe ekonomikano zorjalipe džuvljengo, čhinavipe čhavorengo prandipe thaj devipe dumo džuvljenge kotar butvar diskriminišime grupe džuvljenge, lela kotor ini ambasadorka Australiaki ani Srbia, Rut Stujart.

 

I Mihajlovićka phendja kaj njamesko jekh jekhipe uče pi agenda prioritetja Thagarutna Srbiake.

 

"Kerdjam but ani umal anglunisaripe pašloipe džuvljengo ani Srbia, po ulavdipe kana dikhelape kanunipasko thaj strategiako rami, ama odova nane kobor manglape, pana but buti angla amende, poulavdipe ano lokalno niveli thaj labaripe strategiaki politika kotar republika pedo lokali. Šukhar amenge so ani akaja umal šaj te ulava empria tumara raštra", phendja voj.

 

Dr Šerman Stoun phendja kaj Australia thaj Srbia šaj but jekh jekhata te siklon.

 

"Ano astaripe njamesko jekh jekhipe nane magiako agorisipe, po ulavdipe kana vakhara kotar eliminišipe pedozoralipe pedo džuvlja, umal ano savi pana khonik nane agorisimo e buti, pačava kaj šaj te siklova jekhe jekhesta", phendja i Stoun.

 

Dr Stoun bahtakerdja iniciativa Koordinaciako trupesko vaš te čhivolpe dive leparnipasko pedo džuvlja viktimja pedozoralipaske thaj phendja pana kaj po ulavdipe pharo pašloipe džuvljengo thaj čhavorengo kotar čalavdime grupe, sar so siton minoritetja, thaj kaj odova sito zumavipe gendo jekh ani Australia.

 

Vakherdutne sine jekh ano odova kaj ekonomikano zorjalipe džuvljengo, devipedumo dživljikane bizniseske, sar ini nakhipe ani edukacia semne pate ano lačardipe njamesko jekh jekhipe.

 

Buti e majtiknenca, edukacia dajengo/dadengo, sar ini manglipe kaj ani publika te pharuvinenpe njameske stereotipja thaj tradicionalno patrijahalno formati adžahar sine teme ano avdisutno bešipe.

 

Telopresidentka Thagarutnaki dendja e ambasadorkake australiaka thagarutnake vaš džuvljenge thaj čhavorenge sivdo srbikano peškiro, savo ano rami iniciativako Koordinaciako trupesko, Etno-mreža thaj NALED "Te čhiva pi buti 1.000 džuvlja" kerde džuvlja kotar gava.