RSS

You are here

I MIhajlovićka e bučarnenge thaj inžinjerenge: Grdelicaki klisura sito phagipe amare džandipasko, bukjako thaj kamplipasko prekal Srbia

 I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, dendja turvinutnipe avdive kaj agorisipe lačaripasko auto-drom prekal Grdelicaki klisura baro phagipe sarenego save kerde buti ano odova projekti thaj resle e Srbiake  te lol majmoderno auto-drom ano majlačo than ani Srbia. 

 

“Nais inžinjerenge, minerjenge, alpinistjenge, bučarnenge, projektantjenge thaj sarenenge save resle e Srbia te lol moderno, arakhutno, thaj pedo sa barikano auto-drom. Akava sito phagipe sarenengo so tumen lačarden akava auto-drom thaj mukhlen diso barikano avutne generacienge. Ano akava auto-drom čhivdilo tumaro džandipe, empiria, energia, buti thaj kamlipe prekal Srbia, thaj pedo odova šaj te oven barikane, sar amen sijam pedo tumen barikane" phendja i telopresidentka Thagarutnaki, savi avdive, kupate e presidentea Srbiako Aleksandar Vučićea, premijerka Ana Brnabića thaj dženutnenca Thagarutnake, dženutnenca kerdutnenge thaj finansijerja so lačarde Koridori 10, diplomatikano kori thaj uče dženutne kotar phuv thaj avrijalutnipe, nakhle sa trasa auto-drom prekal Grdelicaki klisura thaj vakhardja e alpinistjenca thaj bučarnenca ani lokacia Momin kamen.