RSS

You are here

I Mihajlovićka e CRBC: Dži po agor beršesko agorisimo auto-drom kotar Surčin dži Obrenovac

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura prof. dr Zorana Mihajlović, vakhardja avdive e Džang Sjaojuea, direktorea kinaki kompania CRBC ani Srbia, kotar infrastrukturno projektja save akaja firma realizuinela ani amari phuv ano maškharipe e Ministriba.

 

"But sijam čalarde maškharipe e kompania CRBC, čhandipa pe savo realizuinela projekati lačaripe auto-drom kotar Surčini dži Obranovaci sito misal vaš sarenege thaj adžukharava kaj bukja ovena gata dži po agor akale beršesko. Palo suksesno bešipe ano Samiti 16+1 ano Dubrovniko thaj hramisaripa duj memorandumja, amenge si šukharipa kaj ka lungara maškharipe ini pedo lačaripe majphari deonica ano Koridori 11 Požega-Boljare, sar ini pedo lačaripe deonica Novi Beograde-Surčin, soske odova amenge ka resol pherdo funkcionišipe Koridori 11", phendja i Mihajlovićka. 

 

O Džang Sjaojuen dendja pačavipe e telopresidentkake kaj auto-drom kotar Surčin dži Obrenovac ka ovol agorisimo ini po angle kotar kontraktno roki thaj phendja kaj CRBC intezivno kerela buti vaš resja save vakhjardile ano Dubrovniko te resenpe. 

 

"Gatisara idejno agorisipe vaš deonica Požega-Boljare, ano breš savo avela ka la lačaripe kotar Nevo Beogradi dži Surčini, a kera butu intezivno ini pedo gatisaripaske aktivipe vaš rekonstrukcia sastrnalutno dromesko kotar Beogradi dži samatrenda e Makedonia", phendja vov. 

 

E vakherdutne halovisale kaj lačaripe sigutno dromutnipen Novi Sad-Ruma kotar baro semnipe vaš Srbia. 

 

Ano bešipe sine  svato kotar semnipe samitesko "Jekh kustik, jekh drom" savo ka adikharolpe ano kurko savo avela ano Peking thaj ano savo uzo presidento Srbiako Aleksandar Vučić ka lol kotor ini telopresidentka Thagarutnaki Zorana Mihajlović