RSS

You are here

I Mihajlovićka e kinake partnerjenca kotar maškharipe ano sastrnalutno dromutnipen

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, malavdisali avdive e presidentoa kinaka kompaniako CRRC ZELC Fu Čengdjunea, save vakharde kotar šaipe maškharipasko ani umal sastrnalutno dromutnipen.

 

I Mihajlovićka  sikhavdja semnipe so interesuinelape jekh kotar majšukhar lumijake kompanie ani umal sastrnalutnesko transporti ano momenti kana Srbia inicirinela baro investiciako ciklusi ani infrastruktura molipa pondž milijarde evrja, thaj pana phendja kaj duj amare phuvja karakterišinena šukhar realacie thaj maškharipe.

 

“Realacie duj presidentjenge thaj amare duje phuvjengo sito sa po šukhar, so anela sig barjaripe Srbiako. Ano maškharipe e kinake kompanijenca realizuina disave bare infrstrukturake projektja, jekh kotar odola sito ini modernizacia sastrnalutno drom Beograd-Budimpešta, sar kotor globalno iniciativako "Jekh kustik, jekh drom". Inicirina ini nevo projketja thaj pačavava kaj si than vaš maškharipe ini tumara kompania", phendja voj.

 

O Fu Čungdjun sito adžahar vaš odova kaj amalipe duje phuvjengo thaj duje themengo ano majučo niveli, thaj kaj relacie presidento Srbiako Aleksandar Vučić  thaj ThR Kinako Si Djinping sikhavena  inicialno zoralipe vaš po dur barjaripe.

 

“Amen sijam ispatja lačhe avipasko thaj barjaripe dromutnipaski infrastruktura Srbiaki. Palo susksesno maškharipe e EPS-ea ano rami projektesko Kostolac anglo disave berša, manga te dikhlara šaipaske čhandipe vaš lungaripe maškharipasko thaj te da reslipe vaš barjaripe transportesko ani tumari phuv. Amari kompania sitoj jekh kotar majsuksesno ani produkcia sastrnalutne tradine thaj vastušeja. Barjara inovativno tehnologie thaj ulavde sijam fokusirime pedo elektrikane lokomotive, transportno tradine, EMU thaj hibridno tehnologia", phendja o Fu.

 

Ano bešipe lele kotor ini direktorja "Infrastruktura železnice Srbija" thaj "Srbija voz", Miroljub Jevtić thaj Jugoslav Jovič. 

 

Po agor bešipasko evakhardutne  pharuvinde todine- telopresidentka Thagarutnaki dendja e presidentoske kompaniako CRRC ZELC srbikani azbuka ano galbeno sivdipe, buti džuvljengo kotar gava  ano rami iniciativako "Te čhiva ani buti 1.000 džuvljen kotar ruralno thanipe", dži voj kotar kinako kolega lela maketa pampureski savi akaja kompania kerela produkcia.