RSS

You are here

I Mihajlovićka e Lumiaka banka: Vaš tiknaripe adžukaripasko pedo samatrende 90 milijojna dolarja

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, malavdili avdive e šefea kancelariako Lumiake bankako ani Srbia Stiven Ndegva, save vakhardja kotar lungaripe maškharipasko pedo projektja ani umal transporti, agorisipe Koridori 10 thaj anglunisaripe sastrnalutno sektori.

 

I Mihajlovićka phendja kaj ministribe savi legarela ani Lumiaki banka siole šukhar partneri thaj sikhavdja čalardipe so o maškharipe ka ovol lungardo prekal anglunisaripe transportno sektori ani Srbia. 

 

"Devipedumo savo dena amenge ani reforma dromesko sektori, ama ini ano keripe strategia barjaripe transportesko ani Srbia sito but semno. Pačavava kaj suskesno ka kera buti ini ano podur reforma sastrnalutno sektori, but odolesta šukhar  kerdjam thaj manga e sastrnalutni te kera po efikasno, sar ani umal vastalutnipasko, adžahar ini ani struktura bučarnengi thaj barjaripe kapaciteti sastrnalutnako", phendja voj.

 

O Stiven Ndegva naisardja e telopresidentkake pedo olako pačavipasko butipe pedo projektja save kupate realizuinena thaj informišindja kaj Lumiaki banka idž mukhla regionalno projekti lokaripe kinipe - biknipe thaj transporti ano Rjačutno Balkani, ano molipe 90 milijojna dolarja, e ulavde fokusea pedo cidipe bifizikake barijere thaj pedo tiknaripe adžukaripasko pe samatrende.

 

 " A direktno cidipe barijerengo vaš te tiknarolpe vakhti adžukaripasko pedo samatrende jekh kotar anglune iniciative telopresidentkake Mihajlović ano vakhripe e sa dženutnenca phuvjengo ano regioni thaj maškharthemutne finansijsko institucienca", phendja Ndegva.

 

Ano bešipe sine svato ini kotar realizacia projektesko vaš rehabilitacia dromengo thaj anglunisaripe arakhipe dromutnipasko, sar ini kotar keripe studiako kotar njamesko jekh jekhipe ano transportesko sektori savi Koordinaciako trupo vaš njamesko jekh jekhipe legarela uzo devipe dumo Lumiako bankako, thaj dendja konstatacia kaj Srbia ani akaja umal sitoj misal lači praksaki ano regioni.