RSS

You are here

I Mihajlovićka e misia MMF: Molipe neve projketjengo ani infrastruktura paše ofto milijarde evrja

I Telopresidentka Thagrutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj molipe neve investiciako ciklusesko ani infrastruktura paše ofto milijarde evrja, kotar savo ano akava berš lenape projektja ano molipe paše pondž milijarde evrja.

 

I Mihajlovićka, palo bešipe e misia Maškharthemutno monetarno fondi (MMF), savo legarela šefi misiako Jan Kes Martejn, žurnalistjenge phendja kaj anglune teme vakharipaske sine vastalutnipe publikake investicienca ano dromutnikani infrastruktura thaj neve projketja save Srbia lela te realizuinol. 

 

“Srbia agorisindja lačaripe mesmerrigako phak Koridori 10, so sine prioriteti ano nakhle štar berša, a prekal nilaj ka mukha ano dromutnikanipe ini javinutnorigako phak Koridori 10, thaj dža ano neve projektja. Ano paraštuj lelape te lačarolpe auto-drom kotar Preljina dži Požega, a ano nilaj lenape bukja ini pedo Moravako koridori kotar Pojata dži Preljina, palem ano auto-drom kotar Sremaki Rača dži Kuzmin, sar ini auto-drom Ruma-Šabac thaj sigutni dromutnikani Šabac-Loznica, a ano akava berš ka ovol gatisarimo ini publikako akharipe vaš auto-drom Niš-Merdare-Priština", phendja voj.

 

Voj phendja kaj nevo investiciako ciklusi ani infrastuktura astarela ini investicie ano sastrnalutnipe, aero thaj pajnesko dromutnikanipe. "Lungara e reforma ano sastrnalutnipe, e akcentea pedo barijaripe kapaciteti ano kotor manušikane resursja, sar ini realizacia investiciako, maj angle ano lačaripe sigutne sastrnale droma Beograd-Budimpešta, šužaripe birekonstruime deonice ano sastrnalutno Koridori 10 thaj rekonstrukcia regionalno sastrnalo drom savo "Infrastruktura železnice Srbije" kerela kotar pere vastušeja", phendja i Mihajlovićka, thaj pherdja kaj maškhar prioritetja ini leipe neve pampurja thaj barjaripe procenti pokhipasko. 

 

Lačardutnipe ano angluno kvartali 2019 dendja majbaro reslipe vaš barjaripe BDP, soske molipe bukjengo bajardilo pobut kotar 13 šelestar kana dikha jekha jekh periodi ano nakhlo berš,"Neve investiciake ciklusea adžukhara kaj reslipe lačardutnipasko vaš baripe BDP-esko ka dikholpe pana pobuder", phendja i Mihajlovićka.  

 

 Uzo akala teme, e misia MMF vakhardilo ini kotar reforma dromesko sektori, kotar napja vaš anglunisaripe rejtingi Srbiako pedo Doing Business lista thaj kotar realizacia budžetesko vaš kapitalno investicie, save ano nakhle berša sine pedo 94 jase 95 šelestar.

 

Martejn ano bešipe phendja kaj ekonomiakno baripe thaj investicie ano fokusi neve turvinutno programi maškharipe MMF e Srbia thaj ini semne siton vaš buflardi nota anglunipe srbikani ekonomia, so sito jekh kotar resja akuelno vizita misiako MMF. 

 

Ano bešipe lele kotor ini dženutne publikake thaj raštrake firme kotar resori Ministribe vaš lačaripe, dromutnipe thaj infrastruktura, sar ini dženutne Lumijake bankake, legarde e šefea Kancelaria Lumijaka bankako ano Beogradi, Stiven Ndegvom.