RSS

You are here

I Мihajlovićka e Sindikatea komunalno butipe

I Telopresidentka Thagarutna Srbiaki thaj ministarka vaš lačripe, dromutnipe thaj infrastruktura, prof, dr Zorana Mihajlović, avdive lela e delegacia Sindikateski vaš komunalno-bešipaske butipe Srbiako, savo sine legarela presidento Milan Grujić, thaj olenca vakhardja kotar maškharipe vaš anglunisaripe buti ano komunalno sektori.

 

„Sindikati komunalno-bešipaske butipe sito amaro zoralo thaj laćho socialno partneri.Ministribe savo me legarava  putardo sito vaš sa pučipe thaj bahamja, pačava kaj kupatne maškharipa šaj te resa na numa šukhar realizuipe Kanunesko vaš komunalno butipe, već  ini po šukhar čhinavdipe vaš buti bučarnengo ani akaja umal thaj anglunisaripe komunalno servisi pedo šukharipe sa amare dizutnenge", phendja i Mihalovićka.

 

Milan Grujić naisardja telopresidentkake Mihajlović pedo dikhlakripe akala temako thaj sikhavdja ruidžisaripe vaš po dur devipedumo komunalno bučarnenge.

 

 "Kotar sasutno interesi sito o servisi komunalno butipasko te ovol so šaj  po šukhar, vaš odova ruidžisara Tumen te dikhlaren šaipe vaš formiripe maškharresorno komisia vaš anglunisaripe bukajko ano komunalno firme, sar ini hramisaripe buflardo keripa Ulavdo kolektivno kontrakti vaš publikake firme ano akava sektori", phendja o Grujić.

 

 Ano bešipe vakhardilo te delpe iniciativa ki Thagarutni Srbiaki vaš formiripe meškharresorno komisia vaš anglunisaripe buti komunalno sektoresko, sar ini iniciativa vaš te instituišinolpe Dive komunalno butipasko.