RSS

You are here

I Mihajlovićka e telopresidentea "Kinaki sastrnalutni": Ano roki te agorisinolpe lačaripe sigutni pruga Beograd-Budimpešta

I Telopresidentka Thagarutni Srbiaki thaj ministarka vaš lačaripe,dromutnipe thaj infrastruktura, prof. dr Zorana Mihajlović, vakhardja avdive e uča delegacia"Kinaki sastrnalutni"kotar realizacia projekti modernizacia thaj rekonstrukcia prugako Beogard-Budimpešta.

 

I Telopresidentka Thagarutnaki phendja kaj projekti lačaripe sigutni pruga kotar Beogradi dži Budimpešta majbaro projekti ani Srbia ani sastrnalutni, savi kupate realizuina Srbia, ThR Kina thaj Ungaria. "Sa so dži akana kerdjam ano akava projekti sikhavela amaro manglipe. Reso sito te ovelamen sigutni pruga lačardi ano roki thaj pakjavava kaj kupatne šaj te kera o bukja te kerenpe po sig", phendja i Mihajlovićka.

 

Voj  ulavdja kaj Srbia barikani pedo relacie Thagarutna Republika Srbiaki thaj ThR Kinaki, pedo realacie presidentjengo duje phuvjengo, pedo šukhar bilateralno realacie, sar ini pedo amalikanipe maškhar duj raštre thaj duj themja. "ThR Kina sine savakht uzi Srbia ano turbulentno vakhtja, sar so ini Srbia labarinela sakova šansa te sikhavol poro amalipe prekal ThR Kina", phendja i Mihajlovićka.

 

O Telopresidento "Kinaki satrnalutni" Vang Tungdjun phendja kaj ani Srbia alo te dikhlarol sar projekti anglunisarela, sar ini kotar piri vizita ka dikhlarol ini buti pedo tereni."Pakjavisalum kaj Thagarutni Srbiaki but angažuimi ano akava projekti, savo lelilo ano rami iniciativako 16+1. Amari kompania maksimalno sitoj angažumi ano projekti, bukja kerenape ano rami planirime rokja thaj ano rami e uče standardja kvaliteteske thaj arakhipaske", phendja o Tungdjun

 

Vov akhardja telopresidentka Thagarutnaki te vizituinol "Kinaki sastrnalutni" kana avela ani ThR Kina.

 

Ano bešipe lela kotor ini ambasadorka ThR Kinaki ani Republika Srbia, Čen Bo.

 

I Mihalovićka pedo agorisipe bešipasko dosteske kotar ThR Kina dendja Azbuka ano galbenosivipe, buti džuvljengo kotar gava, save kerena tradicionalno srbikane vastalutnokerdutne ano rami iniciativako"Te čhiva pi buti jekh milja džuvlja ano ruralno thanutnipe", savo inicirinde Koordinaciako trupo vaš njamesko jekh jekhipe, NALED thaj Etno-mreža.