RSS

You are here

I Mihajlovićka: Finansiripe majsemno pučipe ano lačaripe beogradesko metro

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj francuzjengi firma "Ežis" ka sikhavol tahara e Bukjaka grupake Thagarutna Srbiaki plani vaš anglune duj linie beogradesko metro, save ano piri studia bahaminde e Dizjake Beograd.

 

Amboldipa pedo pučipa žurnalistjengo palo mukhlipe ano dromutnipe neve lokomotive ani sastrnalutni stanica Resnik, i MIhajlovićka phendja kaj lačaripe metrosko baro thaj pahale projekti, thaj kotar odova projekti majsemno pučipe sito čhandipe finansiripasko.

 

"Čudipa si mange kaj pobut vakhara kotar stanice, te phene kaj metro si gata thaj sar kaj numa pučipe kana thaj kote ka khuva ano odova pampuri. Odova so si majsemno tema siton šartja finansiripaske thaj čhandipe odova te reselpe soske pedi studia francuzjenga kompaniako molipe vaš lačaripe angluni thaj dujto linia paše 4,4 milijarde evrja", phendja i Mihajlovićka.

 

"Lačaripe metrosko sito projekati savo po semnipe nakhavela korkore Diz Beograd thaj vaš odova ini formirindjam bukjaki grupa ani savi si ini dženutne Thagarutnake. Pakjavava kaj ano periodi savo avela thaj maseka save avena ka ovelamen disave bahamja phande e finansiripa savo sito pučipe gendo jekh, a palem avela ini dikhlaripe kotar kokore linie", phendja i Mihajlovićka.