RSS

You are here

I Mihajlovićka hramisarda kontrakti vaš 12 linie kotar publikako interesi

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura prof.dr Zorana Mihajlović, thaj generalno direktori "Er Srbia" Dankan Nejsmit hramisarde avdive Kontrakti kotar devipe servisi vaš keripe avio-tradipe pedo linie save todime sar linie ano publikako interesi, savo ka resol phandipe deš pohari baravale regiojna ani Srbia e majbaravale regiojnenca ani Germania, Austria, Italia, ama ini e Ungaria, Suedia, Slovenia thaj Crna Gora.

 

Adžukharelape kotar 15.juli te lenpe neve linie kotar nišesko aerodromi, ini odova dži ki Germania thaj dizja Nirnbergi, Frankfurti/Han, Hanoveri, Fridrihshafen thaj Karlsrue, dži ki Austria dži Salcburgi, Italia vaš Rim  thaj Bolonja, Ungaria dži Budimpešta, Suedia dži Geteborg, Slovenia vaš Ljubljana thaj vaš Tivati ani Crna Gora. 

 

Ministribe vaš lačaripe, dromutnipe thaj infrastruktura legardja maškharthemutno tenderi vaš alosaripe avio-tradutno vaš 12 linie kotar publikako interesi, pedo savo alosardili kherutni avio-kompanija, pheripa sa šartja publikako akharipasko. 

 

Ažutno ministarkako vaš aero dromutnipe Zoran Ilić phendja kaj Thagarutni Srbiaki andja pratsav vaš čhivipe linie kotar publikako interesi, so sito ano rami e evropaka praksa thaj regulativa, vaš te delpe ažutipe pohari baravale regiojnenge jase regiojna savengo BDP talo 75 šelestar kotar republikako proseko. 

 

„Pedo akava čhane zumavina posig ekonomikano baripe mesmer thaj javinutni rig Srbiaki, phandipe e amara dijaspora, ani savi dživdinela paše 1,2 milijojna amare manuša, ama ini podur barjaripe turizmesko. Pačavava kaj ekonomia thaj dizutne mesemrrigagako thaj javinutnorigako regiojna ka oven čhalarde. Ake kotar 15. juli nakhena neve linie e nišeske aerodromesta vaš šov phuvja Evropaka uniake thaj Crna Gora", phendja o Ilić.