RSS

You are here

I Mihajlovićka: Ka phana Kragujevaci e Moravake koridorea

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive ani Batočina kaj ka lačarolpe sigutni dromutnikani savi ka phanol Kragujevaci e Moravake koridorea, uzo Mrčajevci.

 

"Gatisarinahape vaš nevo projekti lačardipe sigutni dromutnikani savi ka phandol Kragujevaci thaj Moravako koridori, e trasa Moravako koridori kotar Preljina dži Kraljevo, uzo Mrčajevci. Akaja trasa ka ovol lungi paše 35 kilometarja, a prekal angluni evaluacia olako lačardipe ka  ovol paše 150 milijojna evrja", phendja i Mihajlovićka palo dikhlaripe bukjengo pi rekonstrukcia prugaki Lapovo-Kragujevac ani Batočina.

 

Voj phendja pana kaj sine but paramisja kotar odova sar akava regioni pedo čačikano čhandipe te phanolpe thaj akava sito šukhar drom vaš odova te kerolpe, thaj kaj bukja šaj te lenpe ano dujto kotor beršesko savo avela.

 

Pučlji vaš agorisipe bukjengo ano palune pondž kilometarja trasake Kragujevac-Batočina, voj phendja kaj pedo odova projekti sine but problemja ini e thanutne plajnenca, ekspropriacia, katastarea, ama alosardilo kerdutno bukjengo thaj lelutne bukja ka oven agorisime dži marti ano berš so avela.

 

"Odoja dromutnikani manglape sine but po angle te ovol agorisimi, ama saren disar našte kotar odova projekti. Šaj sine ini amen, ama na našlam, thaj amen odova projekti ka agorisina", phendja i Mihajlovićka.

 

Voj phendja kaj si bičačikane paramisja kotar odova kaj Kragujevaci sito bistardo, soske Thagarutni Srbiaki investirinela ano barjaripe sa regiojna thaj dizja. Uzo droma save lačarenape, thaj pruge save rekonstruišinenape, ano Kragujevci kerenape ini bukja vaš lačardipe kherengo vaš zoralipe arakhipaske, pana phendja voj.