RSS

You are here

I Mihajlovićka kotar agorisipe Koridori 10: Putardili nevi rigutni ano barjaripe Srbiako thaj regionesko

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj agorisipe mesmerrigako phak Koridori 10 sito klidutno punkti ano phandipe thaj sigutno barjaripe Srbiako. 

 

“Sakoja nevi deonica savi agorisindjam ano Koridori 10 anela amenge neve fabrike thaj pogojna, pobut dromutnipe thaj po šukhar dživdipe ano thana uzo save nakhela auto-drom.Agorisipe kompletno Koridori 10 kotar šudririg dži mesmerrig Srbiaki sito pobuder kotar odova, soske pharuvinela pilta sa phuvjaki, savi šaj te labarinol sa anglipe vaš odova so sitoj majharni ruta maškhar centralno thaj mesemer agor Evropako thaj kotor panevropikano Koridori 10", phenela i Mihajlovićka.

 

Voj dendja akcenti ini po odova so transportno karta Evropaki našti te ovol kompletno bi Srbiako thaj bi Koridori 10, sar so ni Srbia našti posig te bajrol te na sine infrastrukturno phandi e pašutne phuvjenca.   

“Srbia savi si stabilno thaj savi infrastrukturno phanelape, sitoj Srbia savi kerela šarti vaš poro ekonomikano anglunipe thaj vaš pošukhar džividpe pere dizutnenge, ama ini save resela barjaripe sa regioneske, soske nane barjaripe pi phandipasko. Agorisipa mesmerrigako phak Koridori 10, phanglam jekh thaj putargam nevi rigutni ano barjaripe, thaj inarahape neve projektjenge thaj neve investiciake cikluseske", phenela i Mihajlovićka.