RSS

You are here

I Mihajlovićka: Kotar nilaj ka ova pobut dive ano javinutno phak Koridori 10

I Telopresidentka Thagarutni Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlovićka, phendja kaj avdive kaj ano periodi save avela, kupate pere bučarnenca, ka ovol disave dive ano lačarimasko thanutnipe ano javinutno phak Koridori 10, sar te ovol pakjavdi kaj bukja ano akava auto-drom ka oven agorisime ano akava nilaj.

 

 "Ano javinutno phak Koridori 10 ačilo te agorisinolpe numa jekh deonica, Bancarevo-Crna Reka, pedo savi kerela buti greciako "Aktor" thaj nane nisavo garavipe kaj sijam bičaljarde sar bukja ani akaja deonica organizuime. Vaš Thagarutni Srbiaki thaj Ministribe  javinutni phak Koridori 10, phandipe e Bugaria thaj auto-drom uzi Sićevaki klisura, jekha jekh semno sar ini mesemrrigaki phak save nadur mukhlam ano dromutnipe, thaj vaš odova nane te mukhlara e buti", phendja i Mihajlovićka, amboldipa ano pučipe žurnalistjengo kana sine ano dikhlaripe bukjengo ano Koridori 11.

 

"Vaš odova ka ovav jekh vakhti ano javinutni phak kotar akava nilaj, adžahar sar sinam ani Grdelica ano nakhlo jevend. Sar dikhola odova sito numa čhand te ova sigurno kaj o bukja ka agorisinenpe ano nilaj, sar ini sito planirimo", phendja voj.