RSS

You are here

I Мihajlovićka: Kupatni buti Novi Sadesko, krainako thaj Thagarutna Srbiaki džitherdikani kombinacia vaš dizutnenge  

I TelopresidentkaThagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihalović lela kotor avdive kupate e presidentoa Krainaki Thagarutni Igor Mirovićea thaj dizakopočekatuno Novi Sadesko Miloš Vučevićea ano putaripe Sentandrejesko bulevari ano Novi Sad thaj vaš odova phendja kaj vaš republika, kraina thaj diz nane bare thaj tikne mahale thaj kaj kupatni buti džitherdikani kombinacia  vaš te reselpe kvalitetno dživdipe dizutnenge.

 

"Sa so planirindjam ini so vakhardjam amen ini realizuindjam. Bi infrastruktura nane barjaripe thaj avdive ani Srbia sijamen 40 milje aktivno lačardipaske thanutne, kana dikholape odova so anglo disave berš sine numa duj milje. Sijamne stabilno finansije, reslam o budžeti thaj šaj te investirina ani infrastruktura", phendja i Mihajlovićka.

 

Voj pana phendja kaj ani Vojvodina ka lačarolpe ini Fruškogorako koridori, auto-drumo thaj sigutni dromutni Ruma-Šabac thaj Šabac-Loznica, sar ini kaj akana lačarelpe sigutni pruga kotar Beogradi dži Budimpešta.

"Amari buti sitoj te kera sa thaj te kera šartja vaš manuša te ačhon akate te dživdinen thaj te oven čhaljarde. Nane bare thaj tikne mahale, sakova metro amenge semno thaj ka lungara te kera buti ano tereni amare dizutnengo", phendja voj.

 

O Igor Mirović phendja kaj ano maseka save avena pedo modeli akale projektesko, ka realizuinenpe ini but aver.

 

"Ano septembri putara moderno centralno kužina angloskolake instituciengo, ano oktobri jekh kotor skenciako-tehnologiako parki, ano novembri soliteri RTB Vojvodina, a ano decembri lenpe bukja vaš rekonstrukcia Klinikako centri Vojvodinako. Kupatno zoralipe thaj jekhipe sito odova so amen ušarela thaj odolea na ka ačhova", phendja vov.

 

O Miloš Vučević phendja kaj akava sito trito bulevari ano Novi Sadi savo putarelpe, a kerenape pana trin.

 

"Avdive veke nane diskusia kotar odova kaski sitoj kompetencia. Republika, kraina thaj diz kerena buti kupate, khedahape saren thaj naisaripe devipedumo thaj ažutipa repubikaki thaj krainaki thagarutni ka lungara e infrastrukturake projektjenca. Klisa, Slana bara thaj Vidovdan bešipaskethana nane provincia več kotor Novi Sadesko", phendj vov.

 

Sentandrejsko bulevari jekh kotar majtransportno dizjaki dromutnipen thaj kotor sito raštrake dromesko savo phanela Subotica thaj Beogradi. Sasutno molipe bukjengo sito 702 milijojna dinarja.