RSS

You are here

I Mihajlovićka: Kupatno samatrendengo nakhavipe e pašutne raštrenca sito agorisipe vaš adžukaripe pedo samatrende

„Vaš Srbia, ama ini sa phuvja ano regioni, kotar baro semnipe sito keripe kupatne samatrendjenge nakhavipe vaš sar nakhavipe manušengo thaj robako nakhela posig thaj biadžukaripe pedo samatrende”, phendja avdive telopresidentka Thagarutna Srbiaki thaj ministarka lačharipe, dromutnipe thaj infrastruktura, prof. dr Zorana Mihajlović, dostuipa ano taharanikano programi ano programi TV Hepi.

 

I Mihajlovićka phendja kaj Srbia vakharela e pašutne raštrenca kotar putaripe integrišimo samatrendengo nakhavipe soske odova sito agorisipe vaš lugo adžukaripe pedo samatrende.

 

„E Bosna thaj Hercegovina, Makedonia thaj Crna Gora lačhara po jekh samatrendengo nakhavipe, ama, problemi siton phuvja Evropaka uniake save siolen pere procedure, ama gndinava kaj ka ovel amen suksesi ini Bugaria ini Rumunia vaš te vakharahape kotar odova”, phendja voj.

 

 

Telopresidentka Thagarutnaki lepardja kaj avdive sito aver ze o periodi kotar inaršutnenge dži 2010. berš, kana e Srbia našaldja momentum, bešti ano than thaj na lačhardja koridorja, sar odova kerde pašutne phuvja, a dromutnipe kerdja trujalipe amari raštra.

 

„Avdive situacia sitoj aver, agorisina koridorja thaj inara dromutnipe ano amare auto-dromja, ano nakhlo berš prekal Srbia nakhle 54 miliojna automobilja, dži po agor beršesko adžukarav 60 miliojna, so sito 20 miliojna pobuder ze so sine anglo disave berša”, pendja voj.

 

I Mihajlovićka phendja kaj sito bimukhlo kaj kargo kamiojna adžukarena pedo samatrenda ini dži 700 minutja, thaj vaš odova Srbia ka organizuinol bešipe e ministrenca dromutnipaske thaj policia kotar regioni vaš te agorisinen akava problemi.

 

„Ka keda sa ministre kotar regioni te dikha so šaj te kera, soske akava nane šukar ni vaš jekh raštra thaj cidipe bifizikane barijere musaj te agorisinolpe”, klidutnidja i Mihajlovićka.