RSS

You are here

I Mihajlovićka: Lačara auto-drom vaš manuša te ačhon akate te džividnen thaj te keren buti

 I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, lela kotor adive, kupate e presidentoa Republikako Aleksandar Vičićea, ano leipe lačaripe deonica Preljina-Požega ano auto-drom E-763 thaj vaš odova phendja kaj nane diz savi na bajrola ano pošukharipe kana lačarenape auto-dromja.

 

“Ano nakhle disave berša lačardjam 300 km auto-dromja, thaj sar so ano Koridori 10 rndisale  fabrike thaj pogojna, adžahar ka ovol ini akate. Auto-drom savo lačara avdive ka ovol šukhar manušenge, te ačhon te džividnen thaj te keren buti ano Čačak thaj Lučane, soske Srbia si majlači phuv. Ne ovel amange bahtalo leipe bukjengo thaj te ova barikane pedo sakova metro save ka lačara", phendja i Mihajlovićka.

 

 I Telopresidentka Thagarutnaki naisardja e ThR Kinake soske sijam kotor ano globalno projekti "Jekh kustik, jekh drom", leparipa kaj Srbia jekh kotar anglune phuvja savi pašardili ani akaja iniciativa.

 

Presidento Srbiako Aleksandar Vučić phendja kaj centralno thaj rjačutni Srbia 70 berš adžukharde pedo seriozno pharuvipe thaj kaj palo efta dekade adžukharipe vaš disave berša definitivno lačardile auto-dromja thaj lenape lačardipe nevengo.

 “Vaš Devlikano Nikola ka nakha kotar Beogradi dži Čačak vaš jekh sati, a već vaš Vidovdani putara deonica kotar Obrenovac dži Čačak. Ini odova nane sa, soske la te lačara majphari deonica savi ka ovelola 12 km tunelja thaj disave purtja. Čačak sitom kombipe ano akava kotor Srbiako thaj neve auto-dromea ka ovol phando e Crna Gora thaj Bosna thaj Hercegovina, ama ini Beogradea. Ko nilaj la lačaripe ini Moravskako koridori kotar Preljina dži Pojata", phendja o Vučić.

 

Presidento pana phendja kaj auto-dromja nane reso korkore vaš peske, već anena džividpe ini gavenge ini dizjenge, soske investitorja na avena odote kote nane dromja, a odote kote investicije avena putarenape neve bukjake thana thaj kerelape pošukhar avutnipe vaš amere čhavenge.

 

 

Dizakopočekatuno Čačakesko Milun Todorović phendja kaj akava sito baro dive vaš rjačutni Srbia, Moravičko regioni thaj diz Čačak, phenipa kaj dizutne akale kotoresko Srbiako palo dekade beršenge adžukharde te sunjaren po suno.

 

 “Nais presidentoske Aleksandar Vučićeske soske pendžardja semnipe rjačutna Srbiako, ta da dumo vaš podur barjaripe amara phuvjako thaj phandipe e lumija", phendja vov.

 

Аmbasadorka ThR Kinaki ani Srbia Čen Bo phendja kaj duj presidentja ano nadur samiti "Kustik thaj drom" astarde halovipe vaš podur kupatno barjaripe thaj prosperiteti thaj ulavdo turvinutno dendja e Čačajnenge.

 “Džana kobor semnipe siole akava auto-drom vaš tumenge, pačavi sim kaj CCCC ka kerol sa, uzo tumaro devipedumo, te lačarol majmoderno auto-drom ano tumari diz", phendja voj.

 

Song Hailiang, presidento kompaniako "China Communications Construction Company" (CCCC) naisardja e srbikana thagarutnake pedo devipedumo thaj pačavipe vaš von te oven lačardutne  auto-dromeske  kotar Preljina dži Požega.  

 

 “Lačara ano 157 phuvja ani lumija, ani Srbia lačardjam purt Zemun-Borča, a lačara ini auto-drom kotar Surčin dži Obrenovac. Oveni pačavde ka ano kvalitetno thaj majmoderno čhane, ano planirimo roki, te lačara drom maškharipasko thaj prosperitetesko duje phuvjengo", phendja vov.