RSS

You are here

I Mihajlovićka: Lačardilo barikano auto-drom, adžukhara pobut dromutnipa thaj neve fabrike

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja dostuipa ani emisia "Oko ekonomije" ano RTS kaj tahara mukhelape ano dromutnipe barikano auto-drom prekal Grdelicaki klisura, a kaj efektja olesko lačaripasko ka ovol posig transporti, neve fabrike thaj ačhavipe manušengo ano odova kotor Srbiako" 

 

“Koridori savo agorisindjam sito majharni ruta save phanela aver aver kotora Evropake, thaj vaš Srbia siole baro semnipe, ini vaš tranzitno dromutnipe, savo ake inarelape, ama ini vaš sa odova so avela e auto-dromea. Amari ekspirija, palo 300 kilometarja asfaltirime auto-dromja ano nakhle štar berša sito kaj uzo auto-drom iklona dešutne neve fabrike thaj pogojna thaj odova sito so adžukhara ini e neve deonicenca ano Koridori 10 ini ano Koridori 11 savo mukha ano dromutnipe", phendja i Mihajlovićka.

 

Voj phendja pana kaj kotar nilaj ka ovol agorisimo kompletno ini javinutnorigaki phak Koridori 10, ano savo kerelape buti ano pana disave klidutne punktja, a dži po agor junesko ka ovol mukhlo ini 103 kilometarja auto-drom kotar Obrenovac dži Čačak. "Avdive lelape bukja ini pi deonica Preljina-Požega, molipa paše 500 milijojna evrja, sava Čačak ini sa odova agor Srbiako ovena disavo tranzitno koridori. Kotar Požega ka nakhol jekh phak auto-dromesko ki Crna Gora thaj Adriatikako derjav, dujto ki Bosna thaj Hercegovina. Kotar dujto rig, ko Čačak o Koridori 11 ka phanolpe e Koridorea 10 ,prekal Moravskako koridori, savo adžahar la te lačara ano nilaj", phendja i Mihalovićka. 

Voj dendja akcenti pedo deonice prekal Grdelicaki klisura kaj sine but phare vaš lačaripe, soske maškhar sa, pharuvdisalo balaja lejnako thaj sastrnalutnipe ano Koridori 10, a kotar Momino kamen cidisalo pobuder kotar 650.000 kubikja bar, vaš soske manglape sine 62.000 kamiojna vaš te legarelpe."Sigurno kana ka mukha auto-drom ano dromutnipe pana te analizirina sa so kerdilo, soske disave došalipe tana leparenpe ano neve avutne projektja", phendja voj. 

 

Šefi "Projekta jug" ano "Koridori Srbije", Leonid Vuković, phendja kaj majbaro zumavipe ano lačaripe auto-dromesko prekal Grdelicaki klisura sine phuvajko puzakaripe, po ulavdipe ano kosine 3 tha 5, save nakhena sine ini dži 45 metarja talo phuv. "Sa džene ano projekti siton ano jekhavazi kaj sa konstrukcie apsolutno arakhadutne thaj kaj auto-drom arakhadutno vaš te kerolpe dromutnipe". Ano maseka save avena ka kerolpe stabilizacia kosinengo thaj puzakaripasko, savo na ka kerol problemi dromutnipaske, ama sito semno vaš lugaripasko stabilipe akale objektesko", phendja o Vuković. Vov pana phendja kaj vaš sakova inžinjeri barikanipe te ovol kotor adžahar bare projektesko thaj ov sito jekh bari empiria savo šaj te labarinolpe ano avutne projektja.

 

I Direktorka regionalno kancelariako Evropako Investiciako bankako (EIB) vaš Rjačutno Balkani, Dubravka Negre, phendja kaj kotar 1977.berš EIB finansirinela lačaripe auto-dromja prekal Srbia, kotar auto-drom Brastvo-Jedinstvo dži trujalutno drom trujal Beogradi thaj mesmerrigagko phak Koridori 10. "Pana so na andili pratsav te delpe krediti 2009. berš, kerdile ekonomikane thaj tehnikane note  thaj alilo dži klidutnipe  kaj kotar pokipe dromesko duj tritune investiciengo šaj te pokinenpe ano roki kotar 30-35 berš thaj učharenape hardžipe vaš adikaripe dromjengo, so sito šukhar vaš adžahar projekti. Ekonomikano mištipe  sito but pobaro vaš barjaripe akava agor Srbiako, arakhipe dromutnipasko, posig transporti, soske Koridori 10 majsig drom savo phanela centralno thaj mesmerkotor Evropako" , phendja i Negre.