RSS

You are here

I Mihajlovićka: Lačardipe pana 400 km neve auto-dromja 

"Ano akava berš Srbia nakhela ano lačardipe 400 km neve auto-dromja, sar kotor nevo investiciako ciklusi savo inicirina. Odova našti te kerelpe tana nanamen šukhar budžeti thaj tana ova politikano thaj finansijsko stabilno", phendja i telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dostuipa ano detharin divutno RTS-esko.

 

Voj ulavdja kaj ano nilaj lelpe lačardipe Moravako koridori kotar Pojata dži Preljina, auto-drom ki BthajH kotar Sremeski Rača dži Kuzmin, ama ini auto-drom thaj sigutne dromtutnipe Ruma-Šabac thaj Šabac-Loznica. 

 

"Moravako koridori sito but  semno soske ka phanol Srbia e Srbia, falinela amenge odova centralno kotor auto-dromesko thaj vov ka phanol na numa koridorja 10 thaj 11, več ini ka phanol agor ano savo dživdinela kvašo milijoni dizutne thaj biznisi kerena 200.000 tikne thaj maškharutne firme. Adžahar, ka lačara ini Morava thaj olake lejna, soske akava sito pajnalo regioni, ama  ini ka lačara telekomunikaciako koridori", phendja voj.  

 

I Mihajlovićka phendja pana kaj lelape lačardipe deonicako Koridori 11 kotar Preljina dži Požega, savi po dur ka ulavolpe ki Crna Gora thaj ki BthajH, a ano berš savo avela ka lelpe lačardipe deonica auto-drumo Niš-Merdare-Priština, dži Pločnik.  

 

"Akaja Thagarutni na lela nisavo nevo projekti dži na regulišinela eksproprijacia thaj sa manglutni dokumentacia. Nane nisavo sebepi e dizutnen te ovelolen bajo. Ka dikhlara sa thana prekal savo ka džal Moravako koridori, ka vakhara e thanutne manušenca thaj ka sikhava olenge kote ka nakhol auto-drumo thaj so vov olene ka anol", phendja voj.

 

I Mihajlovićka phendja kaj ka džal ini ano javinutno phak Koridori 10, ano Sićevo.

 

"Agorisindjam mesmerrigako phak, prekal Grdelica, thaj sa dizutne save labarinena odova drom majšukhar si promoterja semnipe odole projektesko. Ačhola te agorisina javinutno phak, adžahar semno, kote sijamen problemi jekhe kerdutnea. Ka ovav me timea ano juli tele. te da dumo thaj te trumina kobor šaj, šaj ini te čhiva ini pana jekhe kerdutne bukjengo, vaš te ovol sa gata ano anglojevend", phendja voj.