RSS

You are here

I Мihajlovićka: Lačaripe metrosko ano Beogradi majbaro infrastrukturako projekati ano regioni

I Telopresidentka Thagarutna Srbiaki thaj presidentka Bukjaki grupa vaš realizacia projektesko vaš lačaripe beogradesko metro, prof. dr Zorana Mihajlović, phendja kaj lačaripe metrosko ano Beogradi "majbaro thaj finansijsko majrodutno infrastrukturako projekati ano regioni, molipa pobut kotar štar milijarde evrja".

 

I Telopresidentka Thagarutnaki ano dujto bešipe Bukjaka grupako, ani savi francuzjengi kompania"Ežis"sikhavdja poangluni studia sebepipasko thaj bahami duj liniengo metroske, phendja kaj beogradesko metro projekti kotar majbaro semnipe vaš Beogradi, ama ini kotar interesi vaš Republika Srbia, vaš savo majsemno buti te alosarolpe optimalno čhandipe finansiripasko akale projektesko.

 

"Pučipe sa pučipengo sito modeli finansiripe akale projektesko, struktura hardžipasko, sar ini definitivno molipe, thaj vaš odova Thagarutni lela kotor, soske Beogradi našti korkoro te legarel akava projekti. Finansiripe ka ovol angluni tema vakheripasko ani amari Bukjaki grupa, ano savo sito ini ministri finansijako Siniša Mali", phendja i Mihajlovićka.

 

Bukjaki grupa ano avdisutno bešipe andja pratsav kaj poanglutni studia sebepipaski e generalno projektea, savi kerdja firma "Ežis", te delpe ani Republikaki reviziono komisia, sar ini te alosarolpe finansijako turvinutno savo vaš Thagarutna bukjaki grupa te kerel finansijaki thaj ekonomikani analiza projekteski lačaripe beogradesko metro. Adžahar. dendili direkcia e Dizjake Beograd te dol Bukjake grupake sa pratsavja save andile phande akale projektea.

 

Uzo Mihajlovićka, ministri Mali thaj aver dženutne, ano bešipe Bukjaka grupako lele kotor ini dizakopočekatuno Beogradesko Zoran Radojičić, dženutne kinake kompaniake "Power China" thaj francuzjengi kompania "Ežis".

 

Ano bešipe sikhavdile linie 1 metroski, savi šaj te džal kotar Železniko dži Mirijevo (lungipe 21,3 km) saveski notirimo molipe 2,33 milijarde evrja, thaj linia 2 kotar Zemun dži Mirijevo (lungipe 19,2 km) saveski notirimo molipe 2,07 milijarde evrja. Prekal akava bahami, phandipe akale liniengo angledikhlardilo ano Savsko trg, ko baro kher  Angluni sastrnalutni stanica.