RSS

You are here

I Мihajlovićka: Manga te čhiva Severno Makedonia thaj Grecia ano projekti sigutne pruge dži Budimpešta

"Lačardipe sigutne pruge kotar Beogradi dži Budimpešta majbaro infrastrukturno projekti ano akava kotor Evropako thaj finansijsko majrodutno, dikhipa kaj olesko molipe prekal Srbia paše duj milijarde dolarja, sa štar milijarde dolarja", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

Voj,dostuipa ano detharin divutno RTS-esko, phendja kaj tahara ano Beogradi ka adikharolpe trilateralno ministarjnego bešipe Srbia, ThR Kina thaj Ungaria thaj kaj angluni tema ka ovol realizacia akale semne projektesko. 

 

"Kotar srbikani rig sa džala pedo plani, lačarenape duj deonice kotar Beogradi dži Stara Pazova thaj kotar Stara Pazova dži Novi Sad. Ano berš so avela ka lolpe lačaripe ini trito deonica Novi Sad-Subotica.Tahara ka vakhara ini kotar leipe kotor pana duj raštrengo-Severno Makedonia thaj Grecia ano akava projekti, savo sito kotor  globalno iniciativako "Kustik thaj drom", phendja voj.

 

I Telopresidentka Thagarutnaki phendja pana kaj Srbia sikhavdja kaj šaj te adikharolpe pedo vakherdutni dinamika, po ulavdipe kana sito ano pučipe sastrnalutno dromutnipen, thaj phandipa akale beršesko ka ovol rekonstruišimo 700 km pruge. Voj phendja kaj adžukharela e Severno Makedonia thaj Grecia te sikhaven interesipe, ini uzo andrune problermja save siolen.

 

"Srbia politikano thaj finansijsko stabilno, e majbare avipa avrijalutne investicie, ano interesi sito e Severno Makedonia thaj Grecia te čhiva ano akava projekti, soske nane butipa te ovelamen sigutni pruga numa kotar Beogradi dži Budimpešta, več te phana sa koridori", phendja voj.