RSS

You are here

I Mihajlovićka: Molipe infrastrukturake projektjengo ani Srbia 14,5 milijarde evrja

I TelopresidentkaThagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive ano intervju vaš agencia "Rojters" kaj sa molipe infrastrukturake projektjengo savi Srbia realizuinela thaj save gatisarinela, sito 14,5 milijarde evrja thaj kaj investice ani akaja umal ka oven semno iniciatori ekonomikane barjaripaske ano berša save avena.

 

I Mihajlovićka phendja kaj ThR Kina semno partneri Srbiako ano investiripe ani infrastruktura thaj molipe akanutno infrastrukturake projektjengo e akala phuvja paše pondž milijarde evrja.

 

"Neve investicie ani infrastruktura siton semne vaš te sigurina ekonomikano barjaripe ini ano berša save avena. Paše ofto milijarde evrja sito molipe infrastrukturake projektjengo save planirina te realizuina ano maškharrokesko periodi", phendja i Mihajlovićka.

 

Sar jekh kotar prioritetno projekti, telopresidentka Thagarutnaki phendja kaj rekonstrukcia sastrnalutna prugako kotar Beogradi dži samatrenda e Makedonia, kote dikhlardilo molipe projektesko paše 600 milijojna evrja, a ano procesi gatisaripe projektesko-tehnikaki dokumentacia lela kotor kinaki kompania CRBC.

 

Voj pana phendja  kaj Srbia e Rusiaka sastrnalutna ka kerol ano lačardipe nevo dispečersko centri ani sastrnalutni, molipa paše 150 milijojna evrja, sar ini kaj ano plani lungaripe rekonstrukcia bareski pruga, savesko dikhlardo molipe paše 400 milijojna evrja.

 

"Turkiaki kompania ka kerol buti amenca ano lačardipe auto-drom Beograd-Sarajevo, a azerbejdžaneski "Azvirt" interesuimo  vaš semno projekti vaš rjačutni Srbia, lačardipe auto-drom Ruma-Šabac thaj sigutne dromutne Šabac-Loznica", phendja i Mihajlovićka.