RSS

You are here

I Мihajlovićka: Nane bare thaj tikne droma, sakova gav ani Srbia musaj te ovelole manušikane šartja vaš dživdipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, sine avdive ano gav Cerovac ani komuna Smederevaki Palanka, kote ano vakherdipe e vastalutnenca Podunavesko regioni kerdilo rekonstrukcia lokalno drom lungipa 3,5 kilometarja.

 

"Vaš Thagarutni Srbiaki nane tikno thaj baro drom, sar ni presidentoske Srbiako, savo nane than ano savo na sine thaj dikhlardja ani savi situacia sitoj infrastruktura. Uzo odova so kerdjam, ka kera ini lista lokalno droma save ka lačarenpe ano periodi savo avela, sar sa dizutne Smederevaki Palanka lena normalno šartja vaš dživdipe", phendja i Mihajlovićka.

 

Voj, ano vakheripe e gavutnenca kotar Cerovac, save ola adžukharde kana dikhlardja rekonstruimo drom, phendja kaj prekal droma thaj sastrnalutni dikhelape kobor daj thagarutni kerela bajo vaš pe dizutne. "Vaš odova phira ani Srbia thaj odova so dikhena avdive sito simbolo kaj odova so vakharahape te kera vaš po dur, adžahar ka ovol kerdimo. Sakova gav musaj te ovelole manušikane šartja vaš dživdipe, a odova sigurno sito lačo thaj arakhutno drom, sar bi manuša ačhona te dživdinen ano gav, soske sa akava kera vaš amare manuša", phendja voj thaj pana pherdja kaj adikharela palem te vizituinol Cerovac, savo ano berš savo avela leparela 200 berš sar egzistirinela.

 

  1. b. presidento ThK Cerovac, Aleksandar Perišić, naisardja e presidentoske Srbiako thaj telopresidentkake Thagarutnako pedo kerdimo drom prekal Cerovac thaj pana phendja kaj ov sito but semno vaš gavutne.

Direktori lokalno Fundono školako "Milija Rakić", o Miloš Marinković, naisardja e telopresidentkake so ini personalno ali ano Cerovac, phenipa kaj nane normalno ano odova than te aven adžahar uče raštrake funkcionerja.

 

Presidento komunako Smederevaki Palanka Nikola Vučen phendja kaj avdisutni vizita telopresidentkako Mihajlović dovada kaj odova so vakharelape ini pherelape. "Smederevaki Palanka biš berš sine bistardi sarenenda, a ano periodi savo avela ka kera pedo odova vaš te resa šukhar dživdipe ini ano gav.

 

  1. b. generalno direktori JP "Putevi Srbije" Zoran Drobnjak phendja kaj kerdile 3,5 km raštrako drom savo nakhela kotar Cerovac ki Topola thaj kaj dži ko septembri ka ovol kerdimo pana 3,5 km odole dromesko.

Ani rekonstrukcia lokalno dromesko prekal Cerovac, savo kerdilo angluno drom 1968. berš investirisalo 30,6 milijojna dinarja.