RSS

You are here

I Mihajlovićka: Nevo rekordi, dži 1. septembri 37,5 milijojna automobilja ano auto-dromja ani Srbia

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr. Zorana Mihajlović, phendja kaj ani Srbia ini ano akava berš peravdilo rekordi pedo gendo automobiljengo pe amare auto-dromja.

 

“Kotar 1. januari 2019. dži  po agor nilajeski sezona 1. septembri auto-dromjenca prekal Srbia nakhla 37.551.150 automobilja, so sito vaš 1,2 milijojna pobuder ze ano nakhlo berš. Ini akava sito numa pana jekh dovada kobor sinam ano čačipe vaš insistiripe ano so pobut investiripe ani dromutnikani infrastruktura. Pana jekh droma sikhavdjam kaj Srbia dromutnikano centari regionesko thaj kaj investiripe ano neve auto-dromja majšukhar čhandipe vaš ekonomikano barjaripe”, phenela i Mihajlovićka.

 

Voj phenela, prekal evaluacia, adžukharela kaj dži po agor beršesko prekal Srbia auto-dromjenca ka nakhen paše 60 milijojna automobilja, so sito paše 20 milijojna pobuder ze ano 2014. berš. I Telopresidentka Thagarutnaki phenela kaj ano akavaberšesko barjaripe majbut kerdja  agorisipe auto-dromesko prekal Grdelicaki klisura thaj mukhlipe ano dromutnipe auto-drom “Miloš Veliki” kotar Obrenovaci dži Preljina, jase Čačak.

 

“Numa kotar nilaj prekal Srbia nakhla sa 12,5 milijojna arabe, a numa prekal Grdelicaki klisura kotar pokhisaripe dromesko 15. junea diso pobuder kotar duj milijojna automobilja! Sa akala rezultatja rodena obligacia kaj musaj  ini podur te lačara neve auto-dromja, ama ini te investirina ano olengo adikharipe vaš te garava arakhipe dromutnengo. Sa love kotar pokhipe dromesko resena ini vaš neve investicie ano barvalipe infrastrukturako amare auto-dromjengo”, phendja i Mihajlovićka.