RSS

You are here

I Mihajlovićka: Njamosko jekh jekhipe nane privilegija

 

“Njamosko jekh jekhipe nane nisavi privilegija ni daj keripe vaš hakaja disave minoritetjenge grupengo, njamesko jekh jekhipe sito fundo adikhardutno barjaripasko, kupatni platform maškar savi saren amen te kedahape thaj bi savo nane barjaripe ni anglunipe”, phendja avdive
telopresidentka Thagarutna Srbiaki thaj presidentka Koordinaciono trupesko vaš njamesko jekh jekhipe, prof. dr Zorana Mihajlović.
 
Voj, putaripa konferencia “Džuvla liderja pharuvipaske”, phendja kaj njamesko jekh jekhipe avdive bitrujalutni tema, kaj talohalovela keripe jekha jekh čhinavdipe thaj šajipe vaš džuvlenge thaj muršenge, thaj kaj odote si pana but buti.
 
“Kerdjam but kana sito mareba opipe pedozoralipe pedo džuvla, pharuvindjam thaj andjam ini neve kanunja thaj džuvla avdive siton vaš odova te phenen kaj si pedozoralipe thaj te keren registracija. Odova so na kerdjam sito mareba opipe anglokrisipe thaj stereotipja thaj te vazdolpe džandipe kotar njamesko jekh jekhipe. Adjahar, pana na andjam kanuni kotar njamesko jekh jekhipe thaj odova musaj so posig te kera soske adjahar kanuni amenge resela te kerol jekha jekh čhinavdipe vaš sa dizutne Srbijake”, phendja voj.

Telopresidentka Thagarutnaki phendja kaj ini uzo odova so džuvla počekat but instituciengo, von ini pana siton 16% pohari pokime kotar murša, thaj nisavo sebepi tana ovol pobut džuvla pedo vastalutne pozicie, te legaren lovo thaj menadžementi.
 
“Kana čhavoro nasvalola jase siola problemi anis kola, kana siton daj thaj dat nasvale, džuvli iklola kotar i buti thaj kerela bajo. Džuvli sitoj odoja so trin saatja polunge ano kherutnipe. A soske ini jekhto ini dujto na ovelolen tromalutno vakhti, nakhena ano bijandipasko bešipe jase ulavena familiake thaj kherutne obligacie? Ini podur jekh kvašutni dizutnipaski bijekhutni thaj te sine kaj manga te nakha angle, kotar njamosko jekh jekhipe musaj te vakhara kotar hurdelin thaj škola, te sikljova kotar solidaripe thaj ini e muršen te čhiva ano maripe vaš jekha jekh hakaja sarenenge”, phendja voj.
 

Slavica Djukić Dejanović, ministarka bi portfeljesko savi sitoj vaš demografija thaj populaciaki politika, phendja kaj akaja tema ano fundo siole zorakaripe čhajorengo thaj džuvlengo ano njamesko jekh jekhipe, jase ano khuvipe pi buti, edukacia, sastipe thaj butipe.
 
“Amaro reso te kerenpe jekha jekh šajipe vaš sarenenge, soske odova sito angločhinavdipe vaš te kerelpe amalipe ano savo saren resena poro potencijali”, phendja voj.
 
Ivanka Popović, rektorka Beogradesko univerziteti, phendja kaj tema konferenciaki semni soske sikavela pedo misalja šukar praksake thaj odova sito impulse džuvlenge vaš podur barjaripe.
 
“Semno sito te vakhara kotar amalipasko pašloipe profesiako ani edukacia. Musaj te kera pedo jekha jekh čhinavdipe vaš sarenenge, kaj sakova so sito kompetentno vaš daj buti sile jekha jekh šajipe odova ini te resol”, phendja voj.