RSS

You are here

I Mihajlovićka: Palo 30 berš agorisina beogradeski angrustik

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, sine avdive, kupate e ambasadorka ThR Kina ani Srbia, Čen Bo,te dikhlarol buti ano lačaripe trujalutnipe trujal Beogradi, pi deonica kotar Ostružnica dži Bubanj potok, pedo savi bukja kerela kinaki kompania "Power China".

 

“Palo 30 berš ano duripe dikholape agorisipe beogradesko dromutnipasko angrustik, o Beogradi te ovol sar  but aver evropake dizutne. Na ka ovol lokhe, ama semno sito rezultati soske trujalutni semni ini vaš Srbia ini vaš phandipe e regioneja, soske avdive sijamen paše 20 milijojna vorde pobut ano amare auto-dromja ze so sine anglo disave berša" phendja i Mihajlovička palo dikhlaripe bukjengo ano solako cevi tunelesko Straževica. 

 

Voj pana phendja kaj ano juni ka delpe ini aplikacia vaš lungaripe lačaripasko trujalutni trujal Beogradi, vaš sektori C kotar Bubanj potok dži Pančeva, vaš savi nadur ano Peking hramisardilo memorandumi e kompanijenca save kerena buti ini ano sektori B. "Ka kera sa vaš ano berš savo avela te la lačaripe ano odoja deonica", phendja voj.

 

I Mihajlovićka naisardja e kinaka ambasadorkake ThR Kinake ano baro devipedumo vaš realizacia infrastrukturno projektja. 

 

Ambasadorka ThR Kinaki Čen Bo, phendja kaj ano nakhlo periodi već astardile dikhavne rezultatja ani umal infrastruktura, ano interesi ekonomikano baripe ini Srbiako ini ThR Kinako. "Trujalutni trujal Beogradi siola baro semnipe vaš barjaripe Beogradesko thaj sigurno sem kaj "Power China" ka kerol sa vaš te agorisinol buti kvalitetno thaj ano roki", phendja voj thaj naisardja telopresidentkake ani Thagarutni thaj olake timeske, save dende sa šaipesko ažutipe thaj devipedumo kinaka kompaniake kotar realizacia projektesko. 

 

Generalno direktori ani  jekh ranik kompaniako "Power China" ano Beogradi, Jang Bo, phendja kaj kontrakti vaš lačaripe akala deonicako hramisardilo ano rami Samitesko 16+1 thaj kaj akava projekti semno vaš ekonomikano barjaripe Srbiako, sar ini vaš barjaripe kompaniako ani Srbia, avipa kaj akava sito angluno projekti ani Srbia. Vov adžukharela kaj projekti suksesno ka agorisinolpe thaj ka kerol te tiknarolpe dromutnipasko phararimate ando Beogradi.

 

K.B direktori JP "Putevi Srbije" Zoran Drobnjak phendja kaj kerdutne adžukharela phari buti pedo but rodutni deonica savi lačarena thaj adžukharela kaj ka ovol pačavindo roki bukjako. Vov phendja kaj akaja deonica semni vaš te lokarolpe dromutnipe ando Beogradi, soske trujalutnipa ano dive ano proseko džana paše 15.000 dromutnikane thaj 2.000 pharipaske vordone.

 

Deonica trujalutnipaski trujal Beogradi, kotar Ostružnica dži Bubanj potok lungi 19,5 kilometarja, a molipe bukjengo sito 207 milijojna evrja.