RSS

You are here

I Mihajlovićka: Palo 30 Berš Neve Investicie Ano Barjaripe Portjengo

I Telopresidentka  Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj Thagarutni Srbiaki investirinela paše 200 milijojna evrja ano barjaripe pajnesko dromutnipe thaj palo pobut kotar 30 berš realizuinenape seriozno investicie ani modernizacia portjengo.

 

I Mihajlovićka odova phendja palo hramosaripe kontraktesko kotar privatizacia Porto Novi Sad, savi ani Thagarutni Srbiaki hramisardja Dragan Stevanović, raštrako sekretari ano Ministribe ekonomiako thaj Rado Antolović, kerdutno direktori firmako "P&O ports" kotar Khedutne Arapjenge Emiratja, save kerena buti ani struktura kompaniaki "DP world".

 

“Pajnesko dromutnipe savakht sine ki rig kana dikhelape pedo dromutno thaj sastrnalutno dromutnipen. Adive veke nane adžahar, soske Thagarutni Srbia investirinela pobuder kotar 200 milijojna evrja ano lejnengi infrastruktura, maj angle ano lačaripe lejnengo balaja ani Sava thaj Dunav thaj modernizacia portjengo. Palo Porti Novi Sad  avela lačaripe Porto Smederevo, savo manglape te lelpe  ano marti ano berš savo avela, ka kerolpe projektno dokumentacia vaš Porto Beogradi, a ka vakharolpe ini kotar buflaripe Porto Sremeski Mitrovica", phendja i Mihajlovićka.

 

Voj lepardja kaj ano berša save nakhle na sine ni 500.000 evrja investirimo ani infrastruktura  ano pajnesko dromutnipen, kaj sine portja kinenape vaš phuvajo than thaj kaj ando olende tehnologia purani pobuder kotar 30 berš.

 

“Prekal Srbia nakhela majharno ruta ini ano dromjengo ini ano sastrnalutno dromutnipen, ama semno sito ini pajnesko dromutnipen vaš savo manga te ovol jekha jekh konkurentno. Vaš odova manglape Dunav thaj Sava te oven tradipaske kotar sa berš thaj te ovelamen moderno portjengi infrastruktura, savi sitoj semni ini vaš tradipe robako ini vaš barjaripe turizmesko" phendja i Mihajlovićka.

 

I Telopresidentka Thagarutnaki phendja kaj sito semno so nevo manginutno Porti Novi Sad ka investirinol pobuder kotar kontrakteske obligacie, sar ini kaj ano procesi privatizaciako Porti Novi Sad, anglo biknipe, kotar mangin portesko operatori te ulavolpe portesko phuvjako thanipe thaj infrastruktura thaj te legarolpe ano manginipe Republika Srbiako.

 

 O Dragan Stevanović phendja kaj procesi privatizaciako suksesno thaj kvalitetno andilo dži po agor thaj kaj sito  leipe nevo avutnipasko vaš Porto Novi Sad. "Prekal kriterijumja ano publikako akharipe sinamen suksesi te arakha kredibilno investitori, seriozno portesko operatori savo kerela buti pobuder kotar 40 raštre thaj siole paše 35.000 bučarne. Kotar dujto rig, but semno  sito kaj sa amare bučarne ka lungaren te keren buti thaj kaj butipe portesko vakhteja ka bajrol, thaj kaj kotar avdisutne 1,2 milijojna tone so legarenape pharipe, ka avol dži pherdo kapaciteti kotar 2,5 milijojna tone, a vakhteja ini pobuder kotar odova", phendja o Stevanović.

 

Vov phendja kaj kinutno ano trin dive so avena ka pokinol 7,99 milijojna evrja, kobor sitoj e timin, a kaj šukhar nevipe kaj sasutni investicia ka ovol pobari  kotar odoja so sitoj ano kontrakteski obligacia, a savi sitoj 15 milijojna evrja.

 

Dizjakopočekatuno Novi Sad Miloš Vučević phendja kaj sito čhaljardo so Novi Sad lela jekh kotar majbare investitorja ano akava butipe, a kaj "duplo plus  so ano halovipe e Thagarutna Srbia kotor kotar kinibaskobiknipaski timin ka ovol investirimo ano Novi Sad", phendja o Vučević

 

O Rado Antolović phendja kaj neve manginutne Porto Novi Sad planirinena te investirinen paše 30 milijojna evrja vaš te reselpe učo niveli biznisesko, sar  ini kaj phandipe neve akvizicie e operacijenca ani buflardi Evropa "P&O ports" ka astarol pana molipe vaš akava porto.

 

Ano hramosaripe lela kotor ini ambasadori Khedutne Arapjenge Emiratja ani Srbia, Mubarak al Daheri.