RSS

You are here

I Mihajlovićka: Pamureja kotar Kragujevaci dži Lapovo kotar oktobri vaš kvašo sahati

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive bukja pi rekonstrukcia prugaki Lapovo-Kragujevaci thaj phendja kaj pamurea maškhar akala duj dizja kotar 1.oktobri ka tradolpe po hari kotar kvašo sahati.

 

I Telopresidentka Thagarutnaki palo dikhlaripe bukjengo ani Batočina phendja kaj klidutnipa e beršea savo avela ani Srbia ka ovol  sa rekonstruišimo paše 800 km regionalno pruge.

 

"Regionalno pruge siton jekha jekh semne vaš pošukhar dživdipe dizutnengo sar ini anglune koridorja save modernizuina, a amari buti sitoj te kera šartja kaj ini odole prugenca džalpe sig, thaj neve pamurjenca", phendja Mihajlovićka ani Batočina.

 

 Voj lepardja kaj anglo 2014. nane rekonstruisalo nijekh kilometari regionalno pruge, sar ini kaj Lumijaki banka ani jekh studia anglo disave berša dendja nota kaj e Srbia ano sastrnalutnipe mukhlardja 2,5 investiciake ciklusja, jase 40 berš barjaripe. "Saren bistarde kaj sastrnalutni egzistirinela, čučavno te phenav", pana phendja voj.

 

I Mihajlovićka phendja kaj molipe bukjengo pi rekonstrukcia prugaki Lapovo-Kragujevac lungaripa 27,5 km 11 milijoni evrja, pana štar milijojna investirisalo ani sanacia puzaripaski phuv, a bukja finansirindja "Infrastruktura železnice Srbije" pere lovenca. "Palo akaja rekonstrukcia, ka kerenpe bukja ini pi trasa kotar Kragujevaci dži Kraljeva, so sito semno vaš pošukhar phandipe thaj barjaripe Šumadijako regioni.

 

K.b. generalno direktoresko "Infrastrukture železnice Srnije",o Miroljub Jeftić, phendja kaj bukja pi rekonstrukcia ka oven agorisime jekh masek po angle e rokesta, 30 septembarea, thaj kaj tradipe maškhar Lapovo thaj Kragujevaci ini podur dži Mladenovac, kote ka ovelole konekcia ini e BG pamureja",phendja Jeftić.

 

Počekatnutni Šumadijako regionesko, i Biljana Ilić Stošić, phendja kaj palo 132 berša sar kerdili, ka ovol rekonstruišimi pruga Lapovo-Kragujevac thaj kaj kotar 1.oktobri dizutne palem te tradenpe pamureja pe pošukhar molipa ze autobuseska karta. "Akaja pruga adžahar sitoj semni ini vaš pharipasko (robako)  dromutnipe thaj vaš sa kompanie save akate siolen biznisi", phendja voj.