RSS

You are here

I Mihajlovićka: Pharuvipe kanunjengo ani umal dromutnipe thaj lačaripe vaš sigutni realizacia infrastrukturno projektja

I Telopresidentka Thagarutni Srbiaki thaj ministarka vaš lačaripe, dromutnipe thaj infrastruktura, prof.dr Zorana Mihajlović, phendja avdive kaj reso  bahamutne kanunjengo kotar umal dromutnipe thaj lačaripe, kotar savenge kerelape diskusia ano parlamenti, vaš pobut te anglunisarolpe ambijenti vaš investiripe ani Srbia thaj te sigarolpe realizacia bare infrastrukturno projektja, po ulavdipe odola save siton kotor neve investiciengo ciklusesko, ano molipe pobuder kotar pondž milijarde evrja.

 

Ano štarto bešipe angluno rndomo kedipasko Themutno parlamentesko senatorja kerena diskusia, maškhar sa, ini kotar šov kanunja save bahamindja Ministribe vaš lačaripe, dromutnipe thaj infrastruktura. Svato sito kotar bahamja pharuvipe thaj džipherdipe Kanunesko kotar planiripe thaj lačaripe, Kanuni kotar procedura registripaski ano katastri bimiškoipasko mangin, Kanuni kotar direkcia aerodromjenca, Kanuni kotar sirmalje vaš transporti personengo, Kanuni kotar tradipe dromutnengo ano dromesko dromutnikanipe. Adžahar diskusia kerelape ini kotar Bahami kanunesko vaš verifikacia Halovipasko maškhar Thagarutni Republika Srbia thaj Thagarutni Kedutno Kralipe Bara Britaniako thaj Šudrorigaki Irska kotar maškharthemutno dromesko dromutnipen. 

 

I Mihajlovićka phendja kaj po ulavdipe siton semne pharuvipe thaj džipherdipe Kanunesko vaš planiripe thaj lačaripe thaj Kanuni kotar procedura registripe ano katastri bimiškoipasko mangin." Srbia sitoj phuv savi nanola numa stabilno politikani situacia, već ini stabilno budžeti, thaj vaš odoleske sig gatisarahape  vaš leipe bare infrastrukturno projektja kotar nevo investiciako ciklusi" phendja i ministarka.

 

Voj lepardja kaj Sribia ano Doing Business lista Lumijaka bankaki pedo 11 than ani lumia vaš ikalipe urbanistikane mukhlipaske lila. "Ama, adikhardjam kaj čačikane liniake infrastrukturno objektja, save siton but semne vaš ekonomikano barjaripe, musaj te oven but posig realizuime, vaš savo semno si te ova efikasno ano kotor devipe mukhlipaske lila" , phendja voj. 

 

Prekal olake svatja, gndipe pharuvipasko thaj džipherdipasko kanunesko vaš planiripe thaj lačaripe thaj kotar katastri sito činaripe vakhtesko thaj hardžipasko ano projekti, soske disave procesja ka kerenpe paralelno. Voj pana phendja kaj molipe avdisutne thaj potencialno infrastrukturno projektja sa paše 16 milijarde evrja, ano odova ini projektja ani umal dromesko dromutnipe, sastrnalengo, pajnesko thaj aerosko dromutnipen" phendja i Mihajlovićka.


Vakharinindoj kotar bahamja kanunjengo ani umal dromutnipasko, voj phendja kaj gabariti "kala" ekonomiako ano dromesko dromutnipen notirinelape pedo maškhar 80 thaj 100 milijojna evrja thaj kaj sito reso pharuvipe Kanunesko kotar tradipe dromutnengo ano dromesko dromutnipen odova te tiknarolpe.

 

Kana sito ano pučipe Bahami  pharuvipe thaj džipherdipe Kanunesko kotar sirmalje vaš transporti personengo, i Mihajlovićka phendja kaj musaj odova kanuni te harmonizuinelpe e pharuvenca  aver kanunujenge, thaj lepardja kaj arakhipe dromutnipasko ini po dur ka ovol ano angluno than. 

 

Sar phendja, Bahami pharuvipe thaj džipherdipe Kanunesko kotar direkcia aerodromjengo anela jekh semno pharuvipe, a odova sito kaj Thagarutni formirindja firma "Aerodromi Srbije", savako than ka ovol ano Niši, sar šaj te kerenpe kupato investiripe ano sa tikne aerodromja ani Srbia, save ka oven kotor "Aerodroma Srbije".