RSS

You are here

I Mihajlovićka: Prioriteti ano maškharipe Srbia thaj Ungaria - te čhinarolpe adžukaripe pedo samatrendenge nakhavipe

I Telopresidentka Thagarutnaki Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović,  vakhardja avdive, ano rami kupatno bešipe thagarutnengo Srbiaki thaj Ungariaki andi Subotica, e ungariake ministrea vaš inovacie thaj tehnologia Laslo Palkovič, kotar kupatne projektja duj phuvjenge ani umal dromutnipe thaj infrastruktura.

 

I Mihajlovićka thaj o Palkovič vakharde kotar realizacia projektesko vaš modernizacia thaj rekonstrukcia sastrnalo dromesko Beograd - Budimpešta, vaš savo Srbia sig ka hraminol finansijako kontrakti vaš paluni deonica ani teritoria Srbiaki, Novi Sad - Subotica, a Ungaria kontrakti vaš keripe bukjengo. 

 

"Odova sito vaš Srbiake prioritetno projekti thaj adžukhara kaj kompletno sigutni sastrnalo dromutnipe ani teritoria Srbiaki ovela agorisimo ano trin dži tri te kvaš berša so avena", phendja telopresidentka Thagarutnaki. 

 

 I Mihalovićka thaj o Palkovič vakharde ini kotar cidipe bifizikane barijere maškhar duj phuvja, prekal buflaripe samatrendengo nakhavipe Horgoš thaj po efikasno procedure ano drumosko thaj sastrnalutno samatrendengo nakhavipe maškhar duj phuvja.

 

"Ungaria sitoj dženutni Evropaka uniaki thaj musaj te pherol disave standardja, ama amen musaj te kera sa vaš te ovol so po čučavni procedura. Jekh kotar punkti savi ka arakholpe ini ano halovipe duj thagartnengo, savo ka hraminol premierka sito vaš cidipe bifizikane barijere, soske odova sito semno vaš konkurencia Srbiaki thaj regioneski" phendja i Mihajlovićka.

 

Voj panda phendja kaj ano bešipe vakhardilo ini kotar realizacia memorandumesko savo ka ovol hramisardo ano kupatno bešipe  thagarutnengo, kotar pedolačaripe satrnalo dromesko maškhar Subotica thaj Segedin thaj anglunisaripe beroske nakhavutne vudara ani Tisa.