RSS

You are here

I Mihajlovićka: Rehabilitacia 5.000 kilometarja dromja jekha jekh semno sar nevo koridori

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj rehabilitacia 5.000 km magistralno thaj regionalno droma ka ovol trin berš thaj kaj odova jekha jekh semno sar ini lačardipe nevo koridori.

 

"Importantno  amenge regionalno ekonomikano barjaripe. Propozalo ano masek savo avela ka la ani Thagarutni Srbiaki. Uzo rehabilitacia 5.000 km, ka lačara ini 650 km auto-dromja. Odova sito bari buti thaj manga ini kherutne firme te len kotor. Roda agorisipe e Ministriba vaš ekonomia sar amare firmenge te ažutina te kinen mašine thaj vastušeja, te da subvencie", phendja i Mihajlovićka ano intervju vaš "Večernje novosti".

 

Voj phendja kaj lačardipe pondž neve auto-dromja kotor pondžeberšengo plani, a kaj Šumadijako koridori ka lelpe te lačarolpe 2021. berš, kana kerelape projektno dokumentacia."Sa poangle odolesta, Preljina-Požega, Novi Beograd-Surčin, Ruma-Šabac-Loznica, Sremska Raća-Kuzmin thaj Niš-Pločnik sito pondžeberšengo plani. Kerdile sa thanutne plajna, sa plajna umaljengo ulavde manglipasko, ano disave thana ikaldile urbanistikane mukhlipaske lila, ano Moravako koridori uzo Kruševci kerdili eksproprijacia vaš angluni trasa", phendja i Mihajlovićka.

 

Voj pana phendja kaj seriozno dikhlarelape bahami  e "Putevi Srbije" te čhivolpe dromesko pokibe vaš bare kamijojna ini ano magistrale." Seriozno gndina kotar odova. Phare vorde cidenape kotar auto-dromja, džana ano magistralno thaj regionalno droma, kote khanči na pokinena, ama vaš odova dujdrom po sig ruminena droma save amen rehabilituina. Adžukhara analiza thaj gndina sar olen te čhiva po auto-drom. Arakhipasko sito, na ka ruminen magistrale, a ka ovelamen ini pobut love. Ama odova na ka ovol dži berš savo avela", phendja i Mihajlovićka.