RSS

You are here

I Mihajlovićka: Sindikatja partneri ano barjaripe sastrunalutnipe

Telopresidentka Thagarutni Srbiaki thaj ministarka lačharipe, dromutnipe thaj infrastruktura, prof. dr Zorana Mihajlović, vakhardja avdive e dženutnenca kotar reprezentativno sindikatja so štar sastrunalutne firme – “Infrastruktura železnica Srbija”, “Srbija voz”, “Srbija kargo” thaj “Železnica Srbija AD”.

 

“But diso kupatne kerdjam ano refomišipe sastrunalipasko thaj agorisipe pučipa save siton semne vaš bučarne, kotar legaripe socijalno programi, dži keripe kolektivno kontraktja. Khupatne e sindikatjenca ka agorisina ini sa zumavipe save siton anglo amende, a odola siton majangle lungaripe modernizacia sastrunalutnipaski thaj barjaripe efikasipe sastrunalutne firmengo”, phendja i Mihajlovićka.

 

Voj phendja kaj sastrunalutni vaš Thagarutni Srbiaki kotar strategiako semnipe thaj kaj raštra ka lungarol te investirinol ani modernizacia sastrunale dromenge.

 

Reprezentativno sindikatja sastrunalutnengo pedo bešipe phende pere problemja thaj pozicie phando e čhandea informišipe bučarnengo, keripe metodologia vaš valorizacia bukjengo ano firme, a vakhardilo ini kotar investiripe ano lačharipe dromutnenge nakhipe.

 

Thagarutni Srbiaki ka forminirol ini ulavdi bukjaki grupa savi sitoj vaš keripe plani barjaripasko sastrunalo dromutnipe ani Srbia, ano savi ka oven ini dženutne reprezentativno sindikatja sastrunalutnipaske.

 

Ano bešipe lele kotor dženutne kotar Sindikati sastrunalutnengo Srbiako, Ekipe sindikatja sastrunalutnengo Srbiako, Sindikati egzekutivno servisjengo srbikane sastrunalutnengo, Unia sindikateski srbikani sastrunalutnengi, Sindikati bučarnengo sastrunali infrastruktura Srbiaki, Sindikati Srbiako kargo thaj Sindikati žurnalistjengo Sastrunalutni Srbiaki.