RSS

You are here

I Mihajlovićka: Srbia avdive stabilno thaj šaj te lačardol šov neve auto-dromja

"Leipa ano dikhipe politikano stabilipe thaj finansijsko konsolidacia, raštra avdive šaj te bešol palo sakova baro infrastrukturako projekti, savo lačarelape beršenca thaj but baro molipe siole. Amen sijam vaš Srbia savi ka phanolpe regioneja but pobuder ze so sine dži akana thaj lačara šov neve auto-dromja", phendja avdive ani Sremeski Mitrovica telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof.dr Zorana Mihajlović.

 

Voj phendja kaj ano maji lelilo lačardipe trasako Preljina-Požega, savi sitoj kotor auto-dromesko "Miloš Veliki", sar ini auto-drom vaš BthajH kotar Sremeski Rača dži Kuzmin, thaj sig ka lenpe bukja ini po lačardipe Moravako koridori.

 

"Vaš  Fruškogorako koridori, savo sito ulavdo ano pondž sekcie, agorisali projektesko-tehnikaki dokumentacia vaš anglune štar sekcie. Lenape vakheripe kotar klidutnipe komercialno kontrakti e kinaka kompania CRBC thaj realno sito kotar haniga finansiripaske  te dikhalara po agor akale beršesko thaj ano starti nevo beršesko ano savo ini šaj te kerenpe  bukja.

 

I Mihajlovićka phendja pana kaj ano žoja e Evropaka investiciaka banka ka hraminolpe kontrakti kotar finansiripe lačarimasko auto-dromesko Niš-Merdare-Priština.

 

"Vaš angluni trasa kotar Niš dži Pločnik prekaltahara hramisara e EIB-ea kontrakti kotar finansiripe ano molipe kotar 100 milijojna evrja, sar ini kontrakti kotar investiciako granti ano molipe 40 milijojna evrja", phendja i Mihajlovićka.

Voj phendja kaj, uzo odova, kerelape projektesko-tehnikaki dokumentacia vaš dujto kotor angrustikako vaš BthajH, kotar Požega dži Kotorman.