RSS

You are here

I Mihajlovićka: Srbia barikani so sitoj kotor iniciativako “Jekh kustik, jekh drom”

I Telopresidentka Thagarutna Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović, phendja avdive kaj Srbia e ThR Kina realizuinena projektja ano dromutnipaski infrastruktura, ano molipe 7,5 milijarde evrja, ano odova ini projektja save siton akana, thaj odola savengi realizacia planirinelape.

 

I Mihajlovićka, savi lela kotor ano tematikano paneli “Infrastrukturako phandipe”, ano rami Dujto forumesko “Kustik thaj drom”, phendja kaj Srbia barikani pedo odova so kotar starti pašardili ani kinaki globalno iniciativa “Jekh kustik, jekh drom”, savi dendja nevo zoralipe maškarthemutno ekonomikane maškaripaske.  

 

“Phandipe sito jekh kotar fundo iniciativako “Kustik thaj drom” thaj semno sito na numa vaš fizikano phiribe manušengo, malesko, bukjako thaj kapitalesko, već ini phiribe džandipasko thaj molipasko. “Vaš odova so ekonomikano thaj ekologiako semnipe siola sastrunalutnipe, Srbia ulavdo pačiv dela e sastrunalutna infrastrukturake, ini pe nacionalno thaj ini pe regionalno niveli. Anglunisaripe save resle ThR Kina, Srbia thaj Ungaria ano projekti sastrunalo droma Beograd-Budimpešta jekh sito kotar anglune projektja suksesno maškaripe savo realizuinelape talo khak akala iniciativako”, phendja  i Mihajlovićka, savi arakhelape ani oficielno vizita ani Kina sar dženo raštrako delegaciako savo legarela presidento Srbiako Aleksandar Vučić.

 

I Mihajlovićka phendja kaj Srbia pašarela po agor akanutno investiciako ciklusi ano rami savo lačhardilo paše 500 kilometarja sastrnalo droma thaj asfaltirisalo 300 kilometarja auto-droma, ano odova ini agorisipe lačharipe mesmer thaj javinutno phak dromutnipasko Koridori 10 thaj auto-drom kotar Obrenovaci dži Čačak. “Ano akava berš dža ano neve projektja ano odova ini lačharipe pondž neve auto-dromja semen vaš regionalno phandipe. Ano sastrunalutnipe, prioriteti sito lačharipe sigutno sastrnalo drom Beograd-Budimpešta thaj pedo birekonstruišime deonice sastrnalo dromesko Beograd-Niš-Preševo, savea ka modernizuina kompletno sastrnalutno Koridori 10”, phendja i Mihajlovćka.

 

Voj pana phendja kaj strategiako reso Srbiako ano maškaripe e ThR Kina barjaripe thaj promocia rutako phuvjako kotor Derjavesko drom phanrrako – sastrnalutno-dromesko koridori kotar Porto Pirej dži centralno thaj maškarutni Evropa e strategiaka ruta prekal teritoria Srbiaki.

 

I Telopresidentka Thagarutnaki phendja kaj investicie ani infrastruktura čhinavdipe ekonimikane barjaripaske thaj neve investicie. “Adžahar, misal investiripe ani Železara Smederevo, RTB Bor, sar ini putaripe fabrika gumengo ano Zrenjanini, vakharela kaj kinake kompanie phendžarde potenciali srbikane marketesko thaj geografikano pašloipe Srbiako”, phendja i Mihajlovićka.

 

Voj phendja ini kaj Srbia, sar phuv pedo drom ano dženutnipe ano EU, ulavdo čhalardi so ThR Kina thaj Evropaka unia bajakarena pharuvipe thaj maškaripe ano rami programja so sit haj dialogja, hema ini barjaripe neve strategiake agende maškaripaske vaš periodi savo avela.

 

“Vaš Srbia, modernizacia infrastrukturaki nane numa pučipe kobor ka ovol reslipe kotar infrastrukturno projektja vaš sasutno ekonomikano barjaripe, već šaj mi te ovol barjaripe bi investiripe ani infrastruktura. Ani Srbia ano nakhle berša investiripe ani infrastruktura sine šerutno zoralipe vaš barjaripe BDP, kotar savo ikljola amaro interesi vaš maškaripe sarenenca ani akaja umal, ini e EU, ini e maškarthemutne barikane institucienca, thaj amare kinake partnerjenca, poulavdipe najsaripa mehanizmi maškaripe Kinako thaj CIEZ 16+1, savo sito regionalno kotor iniciativako “Jekh kustik, jekh drom”, phendja i Mihajlovićka.