RSS

You are here

I Мihajlovićka: Srbia putardi vaš neve kinake investicie

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, vakhardja avdive e delegacia Konsili vaš barjaripe kinipe-biknipe Hongkongesko thaj kinake kompanie kotar šaipe vaš maškharipe pedo neve infrastrukturno projektja ani Srbia.

 

"Republika Srbia thaj ThR Kina siolen na numa amalikane bilateralno relacie, več ini sa po šukhar ekonomikane relacie, a fakti si kaj majbut kinake investicie sijamen ani umal infrastruktura. Avdive angluno drom sinamen ani vizita jekh bari kupatni delegacia ThR Kina thaj Hongkong, e savenca vakhardjam kotar infrastrukturake projektja save kera kupate e Kina, sar ini kotar potencialno neve projektja" phendja i Mihajlovićka žurnalistjenge palo bešipe.

Voj phendja kaj molipa projekatjengo save realizuinenape ano maškharipe e ThR Kina paše efta milijarde evrja, a kaj molipe potencialno projektjengo paše ofto milijarde evrja. "Rezultati amare maškharipasko e ThR Kina, dizutne ake šaj te dikhen ano auto-dromja save lačara, purtja, sar ini pe sastrnalutne", gendja voj. 

 

I Telopresidentka Thagarutnaki pana phendja kaj kinake biznismejna ulavde ašarde šartja bizniseske ani Srbia, a kotar srbikani rig alo  svato kaj mangela so pobut kinake investicie, save e Srbiake ka anen nevo džandipe thaj neve tehnologie.

 

Generalno direktori Ulavdipasko vaš Tajvan, Hongkong thaj Makao ano Ministribe kinipe-biknipe ThR Kina, naisardja e telopresidentkake pedo avdisutno bešipe thaj phendja kaj ani delegacia dženutne kinake kompaniengo save kerena buti pedo majbare projektja ani lumia thaj kaj mangena te pendžarenpe e projektjenca ani Srbia, sar ini te ulaven pere empirie.